اس بھرے شہر میں میری طرح رسوا ہوتا

[UmerAmer]

اس بھرے شہر میں میری طرح رسوا ہوتا
تجھ پہ حادثۂ شوق جو گزرا ہوتا

تو نے ہر چند زباں پر تو بٹھائے پہرے
بات جب تھی کہ مری سوچ کو بدلا ہوتا

رکھ لیا غم بھی ترا بار امانت کی طرح
کون اس شہر کے بازار میں رسوا ہوتا

جب بھی برسا ہے ترے شہر کی جانب برسا
کوئی بادل تو سر دشت بھی برسا ہوتا

آئینہ خانے میں اک عمر رہے محو خیال
اپنے اندر سے نکل کر کبھی دیکھا ہوتا

میری کشتی کو بھلا موج ڈبو سکتی تھی
میں اگر خود نہ شریک کف دریا ہوتا

تجھ پہ کھل جاتی مری روح کی تنہائی بھی
میری آنکھوں میں کبھی جھانک کے دیکھا ہوتا‎

Similar Threads:

• میں صدائے عشقِ رسولؐ ہوں، مرا رابطہ تو بحا
  
• تشہیری مہمات اور براہ راست رابطے افضل رحم
• جیسے ہم بزم ہیں پھر یارِ طرح دار سے ہم
• خوشی دوستوں کے حلقے میں وبائی مرض کی طرح پھ
  
• پھر مرے شہر سے گزرا ہے وہ بادل کی طرح

[intelligent086]