Attention Guest, if you are not a member of Urdu Tehzeb, you have 1 new private message waiting, to view it you must fill out 
Hhehehe..
Hhehehehehhe..E..
Awaazain Kaan Main Sunaayee De Rahi Theen..Aur Is Tarha Se Mere Zehen Pe Asar Daal Rahi Thi Ke Khud Bhi Mera Dil Kar Raha Tha Ke Is Muskurahat Ki Awaz Ke Sath Hansoon..Aisi Kashish Thi Is Muskurahat Main Ke Shayad Jitne Bhi Ehbaab Mere Sath Hote Toh Is Khilkhilaati Muskurahat Ka Sath Zaroor Dete..Ye Bachpan Ki Muskurahat Hai, Jo Bilkul Kisi Bhi Nafrat, Kisi Bhi Hasad Aur Kisi Bhi Dushmani Se Be Niyaaz Hai.Is Muskurahat Pe Mujhe Bachpan Wale Ehsaas Jaag Jate Hain, Jab Kisi Ki Buri Nazar Ka Matlab Bhi Insan Ko Maloom Nahi Hota.Aur Aik Maasoom Insan Apne Nanne Naanne Hathoun, Bholi Muskurahat, Maasoom Chehre Aur Anjane Pan Ke Sath Kisi Ke Liye Bhi Khushi Ki Waja Ban Jata Hai.
Main Ne Gour Kia Toh Wo Bachi Jo Shayad Abhi Sirf Do Ya Dhaayee Baras Ki Hogi Wo Sirf Isliye Khilkhilaa Rahi Thi Ke Uski Bari Behen Jo Khud Bhi Abhi Maasoom Hi Thi Uske Sath Athkhailiyaan Kar Rahi Thi..Kabhi Usko Nazar Aa Rahi Thi Aur Kabhi Us Se Chup Rahi Thi, Bohot Pyari Bachiyaan Theen, Do Saal Ki Bachi Ke Sir Pe Toh Abhi Baal Bhi Itne Lambe Nahi Hue The Ke Fark Kia Ja Sake Ke Wo Larki Hai Ya Larka..Magar Apne Khoobsoorat Bachiyoun Wale Colourfull Kaproun Main Wo Bachi Apni Pehchaan Bata Rahi Thi.Aur Bari Behen Ne White Colour Ke Trouser Ke Sath Red Kurta Numa Shirt Pehen Rakhi Thi, Aur Baaloun Ki Aik Thori Lambi Magar Choti Si Poni Bana Rakhi Thi,Aur Chote Chote Silky Baal Jo Uske Chehre Pe Aa Kar Usko Pareshan Karte Unko Rokne Ke Liye Uski Mama Ne Us Ke Sir Pe Do Matching Pinns Laga Rakhi Thi,Bohot Hi Cute Lag Rahi Thi.
Choti Bachi Phir Zor Se Hansi.Toh
Mera Dil Kia Barh Kar Usko Goud Main Utha Loon , Par Goad Main Uthaane Se Ziada Mujhe Uski Maasoom Harkatain Apni Tarraf Kheench Rahi Theen, Phir Main Ne Faisla Kia Ke Isko Goad Main Uthane Ki Bajaye Is Se Chup Kar Is Ki Harkatoun Ko Gour Se Daikhoon.
Hanste Hanste Wo Bachi Zameen Ke Matti Wale Farsh Pe Baith Gai, Aur Choti Choti Choontiyan Jo Aik Qataar Main Guzar Rahi Thi Unko Maarne Lagi..Mera Dil Kia Ke Bhaag Kar Is Ko Utha Loon Ke Bechari Choontiyoun Pe Jo Ye Masoom Zulm Kar Rahi Hai Wo Khatam Ho Jaye..Magar Uski Bari Behen Ne Aa Kar Usko Wahan Se Utha Liya Ye Kehte Hue Ae..Gandi Kahan Baiti Ho..Ammi Daantain Gi Kapre Gande Hue Toh..Aur Khud Usko Aik Matti Ke Dhair Par Hi Le Kar Baith Gai Jaise Khud Bohot Hi Shaffaaf Jaga Mili Ho Usko.Par Kion Ke Wo Khud Bhi Masoom Thi Toh Usko Bas Itna Pata Tha Ke Zameen Pe Baithna Kapre Gande Karna Hai..
Main Ne Zara Aage Barh Kar Awaaz Kasi..Beta Ammi Toh Abhi Bhi Daantain Gi Aap Ko..Aap Toh Matti Ke Dhair Pe Baith Gai Ho..Ap Ke Kapre Maile Ho Jaye Ge..Magar Us Ne Meri Baat Suni An Suni Kar Di.Phir Mujh Se Raha Nahi Gaya Main Un Dono Ke Paas Ja Kar Hi Baith Gayee.Qareeb Se Wo Bachiyaan Mujhe Aur Bhi Achi Lagi,Allah Ne Bohot Hi Nazakat Se In Bachiyoun Ko Banane Ka Hukum Dia Hoga..Dono Hi Behnoun Ke Masoom Hathoun Pe Nazar Pari Toh Dono Ki Patli Patli Nazuk Ungliyan Theen..Main Ne Toh Jaldi Se Choti Wali Bachi Ke Hath Apne Hath Main Pakar Liye Aur Uske Hath Ki Sab Se Choti Wali Ungli Ko Apni Ungliyoun Main Daba Kar Unki Maasoomiyat Ko Mehsoos Karne Ki Koshish Ki, Aur Aisa Mehsoos Kia Ke Agar Zara Zor Se Main Ne Is Baci Ki Ungli Ko Dabaya Toh Toot Jaye Gi, Phir Main Ne Us Bachi Ko Goad Main Le Kar Khoob Pyar Kia.Aur Uski Choti Si Nanni Si Maasoom Si Fingur Ko Choomliya.Phir Uski Bari Behen Se Batain Karna Shroo Kar Dia.
Bari Behen Ye Hi Koi Saat Ya Aath Baras Ki Hogi..Aur School Main Parhti Hogi.Main Ne Us Se Poocha Beta Ap Kis Class Main Parhti Ho Toh Boli 3 Class Main Hoon.Main Ne Socha Ke Us Se Table Suna Jaye.Aur Us Ne Table Kuch Aise Sunaaya Ke Jaise Khayalat Ka Taana Baana Bunn Rahi Ho.Mujhe Hansi Aa Gai.Main Ne Kaha Aap Ko Toh Yaad Hi Nahi Hai.Kehne Lagi Meri Mama Kehti Hain Ke Khud Ko Aana Chahiye..Main Ne Kaha Par Sunaana Bhi Toh Aana Chahiye.Kehne Lagi Ke Main Apni Maama Ko Sunati Hoon Na..Main Ne Kaha Miss Ko Nahi Sunati..Kehne Lagi Ap Ko Bataoon Meri Miss Bohot Pyari Hain, Wo Ham Sab Bachoun Ko Pyar Karti Hain Aur Saza Bhi Deti Hain.
Main Ne Kaha Kya Saza Deti Hain Kehne Lagi Chair Pe Khara Karwa Deti Hain Ya Class Room Se Bahar Nikaal Deti Hain, Main Ne Kaha Ap Ko Kabhi Saza Mili,Kehne Lagi Mili Na.
Kehne Lagi Mujhe Class Room Se Bahar Nikaalne Wali Saza Pasand Hai Kion Ke Phir Mujhe Bahar Darakhtoun Ko Daikhna Aur Parindoun Ki Awaazain Achi Lagti Hain,Aur Mujhe Doosri Class Ki Mam Ziada Achi Lagti Hain.Wo Bachoun Ko Marti Bhi Nahi Hain, Aur Punish Bhikam Karti Hain.Main Unki Batain Sunn Ne Lag Jati Hoon Jab Mujhe Meri Mam Punish Karti Hai. Main Ne Kaha Ap Ki Miss Aap Ko Daikh Nahi Rahi Hoti Ke Aap Wahan Saza Pe Bhi Idhar Udhar Daikh Rahi Ho,Haha..Kar Ke Wo Khilkhilaayee..Aur Boli.Mam Class Ko Parhane Main Aur Control Karne Main Lag Jati Hain, Unko Yaad Hi Nahi Rehta Ke Main Bahar Hoon.Main Ne Kaha Ap Ko Kitni Dafa Saza Milti Hai.Kehne Lagi Bohot Dafa ..Main Ne Kaha Kion Sabaq Yaad Nahi Hota..Kehne Lagi Nahi Batain Karti Hoon Class Room Main Aur Hansti Bohot Hon..Mujhe Is Bat Pe Bhi Hansi Aa Gai..Kion Ke Main Ne Andaza Laga Liya Ke Jis Tarha Ye Dono Hansti Hain Yakeenan Class Room Main Baki Loug Bhi Is Bachi Ke Hansne Pe Hanste Hi Honge.Isko Khud Andaza Nahi Ke Ye Kitni Maaasoom Hai.
Par Wo Jo Talha Hai Na Wo Hamesha Mama Ko Shikayat Laga Deta Hai, Ab Main Bhi Uski Mama Ko Shikayat Lagaya Karoongi Ke Wo Class Room Main Kya Karta Hai, Ham Sare Usko Chor Kehte Hain.Main Ne Kaha Ke Nahi Ye Toh Bohot Hi Buri Baat Hai.Kehne Lagi Kisi Din Kisi Ka Kisi Din Kisi Ka Lunch Chura Ke Kha Jata Hai, Apna Lunch Usko Pasand Nahi Aata Toh Wo Ham Sab Ka Lunch Kha Leta Hai, Par Uska Lunch Bohot Acha Hota Hai.Main Ne Kaha Ap Ko Kaise Pata,Apne Aik Hath Pe Taali Bajane Ke Andaz Se Apna Doosra Hath Ki Hathaili Pe Maara Aur Kehne Lagi Yar Jab Ham Sab Apna Lunch Usko Churane Nahi Dete Hain Toh Uska Lunch Chura Lete Hain Aur Share Kar Ke Khate Hain,Wo Mota Hai Bohot Mota Usko Bhook Lagti Hai .Phir Usko Pata Lagta Hai Ke Lunch Nahi Churana Chahiye..Main Ne Us Bachi Ke Gaal Pe Apna Hath Pyar Se Rakh Kar Kaha Ap Ne Abhi Jo Word Yar Bola Hai Ye Kahan Se Seekha. Buri Baat Hai Ye Word Bache Nahi Bolte Hain.Kehne Lagi Papa Kehte Haiin Na Chachu Ko Par Chachu Toh Papa Pe Gussa Nahi Karte.Main Ne Is Bat Ko Ziada Barhaya Nahi Aur Us Bache Ke Bare Main Bat Karne Lagi Ke.Agar Wo Bura Hai Toh Ap Bhi Uski Naqal Karti Ho.Toh Chup Ho Gai.
Mujh Pata Hi Nahi Chala Aur Itni Dair Main Choti Bachi Meri Goad Se Utar Kar Door Rakhe Aik Bench Pe Charh Kar Khari Ho Gai.Main Toh Dar Gai..Ke Girr Jaye Gi.Par Main Uska Apne Ap Ko Balance Karne Ka Tareeqa Daikh Rahi Thi.Bench Ke Bilkul Center Main Khari Ho Gai.Aur Hathoun Ko Halka Sa Oopar Utha Liya Taa-Ake Gire Nahi..Par Phir Bhi Main Ne Usko Neeche Utaar Dia.Toh Rone Lagi,
Aur Main Us He Bench Pe Baith Gai Toh Meri Cheekh Zor Se Nikal Gai..Haha..Kion Ke Us Bachi Ne Badla Lene Ke Liye Meri Ungli Pe Kaath Liya.Bohot Tez Daant The Us Ke ..Abhi Naye Naye Daant The Toh New Churi Ki Tarha War Kar Gaye.Main Ne Usko Ulta Pyar Hi Kar Liya.Aik Halki Si Aur Baareek Si Awaaz Aye Maroongi.Tab Mujhe Pata Chala Ke Ye Bachi Bol Bhi Sakti Hai Aur Bohot Saaf..Haha.Uske Bolne Pe Mujhe Aur Hansi Ayee..
Itni Dair Main Mere Dhayan Us Pathan Bache Pe Gaya Jo Apne Ghar Se Roz Aana Loha ,Purani Cheezain Aur Raddi Ikkhatti Karne Ke Liye Nikalta Hoga..Wo Hi Age Hogi Us Larke Ki Jo Bari Wali Bachi Ki Hogi.Main Ne Daikha Wo Park Main Mojood Bete Paani Ko Raasta Dene Wali Naali Ke Dono Taraf Aik Tube Light Ko Halke Halke Pehle Is Deewar Se Phir Us Deewar Se Maar Raha Tha.Pehle Mujhe Samajh Nahi Aaaya.Ke Ye Bacha Is Tube Light Ko Kion Tor Raha Hai.Is Tarha Se Isko Khud Zakham Bhi Lag Sakta Hai, Magar Phir Samajh Aa Gaya Ke Ye Bacha Infact Us Tube Rod Ka Sheesha Tor Kar Uske Dono Taraf Jo Metal Tha Usko Hasil Karna Chah Raha Tha..Kion Ke Baki Rod Uske Kisi Kaam Ka Nahi Tha.Phir Main Sochne Lagi Ke Insan Kya Hai..Insan Bachpan Main Aik Janwar Ki Tarha Hai Ke Jis Ki Jis Tarha Parwarish Kar Di Jaye Wo Waisa Hi Ban Jata Hai, Abhi Wo Do Bachiyan Daikhi Jo Maasoomiyat Ki Intiha Ko Choo Rahi Thi Aur Ab Is Bache Pe Nazar Pari Jo Bachpan Se Hi Is Baat Ko Seekh Raha Tha Ke Kamaya Kaise Jaye, Aur Apne Kaam Main Maharat Kaise Hasil Ki Jaye, Mera Nahi Khayal Ke Koi Aam Bacha Itna Zehen Istimaal Kare Ga Ke Tube Rod Ko Halke Hath Se Aik Naali Ke Dono Taraf Aise Maare Ga Ke Uska Kaanch Toot Jaye Ga Aur Baki Bacha Kucha Samaan Uska Wo Ikhata Kar Ke Apne Paas Rakh Lega..Ye Daikh Kar Mujhe Hairat Hui Ke Sab Parwarish Ki Baat Hai, Kuch Bachoun Ki Parwarish Aise Hoti Hai Ke Wo Jungli Phooloun Ki Tarha Panapte Hain,Aur Kuch Ki Parwarish Aise Hoti Hai Ke Wo Gulaab Ke Nazuk Phooloun Jaise Hi Rehte Hain.
Aik Zor Daar Thappar Ki Awaaz Ne Meri Soch Ko Phir Se Doosri Taraf Muttawajoh Kar Dia.Kion Ke Wo Bacha Doosre Bache Pe Us Waqt Girr Gaya Jab Slide Pe Oopar Se Aane Wala Bacha Toh Neeche Aa Raha Tha Par Ye Wala Bacha Neeche Se Ulta Oopar Ki Taraf Charh Raha Tha, Aur Is Nadaan Si Galti Ki Waja Se Oopar Se Aane Wale Bache Ke Pairoun Se Takra Kar Uske Hi Oopar Girr Gaya.Aik Ki Maama Ne Usko Thappar Mara , Toh Dono Rone Lage..Khoob Ro Rahe The Dono.Par Jisko Thappar Para Tha Wo Bacha Aik Dam Se Khamosh Ho Gaya.Main Ne Gour Kia Wo Chup Kion Ho Gaya Toh Pata Laga Ke Uski Mama Ne Uske Hath Main Toffee Parkra Di Hai, Jo Uske Behelne Ke Liye Kaafi Thi, Doosra Bhi Aik Dam Se Khamosh Hua Aur Phir Rone Laga Sirf Isliye Ke Usne Bhi Farmaaish Kar Di Apni Maama Se Ke Mujhe Bhi Toffee Chahiye.Aur Takkalufan Bechare Doosre Bache Ki Maaama Ne Aik Aur Toffee Nikaali Aur Doosre Bache Ko Bhi De Di.
Aaj Weekend Tha Toh Park Main Aam Dinoun Ki Nisbat Ziada Hi Rash Tha.Aur Khailne Koodne Wale Bachoun Aur Exersise Ke Liye Aane Wale Bachoun Ke Ilawa Yahan Poori Poori Families Ayee Hui Theen, Koi Chaat Kha Raha Tha Toh Koi Khel Raha Tha, Sab Magan The Apni Apni Ronaq Main, Door Aik Bacha Bohot Khamosh Baitha Hua Tha, Mujhe Hairat Hui Ke Wo Khamosh Kion Baitha Hai, Main Us Ke Paas Gai Toh Wo Aik Dam Se Uth Kar Bhaagne Ki Koshish Karne Laga.Main Ne Pyar Se Uska Hath Pakar Liya Aur Poocha Aap Khamosh Kion Baithe Ho, Ap Ke Sath Koun Aaya Hai.Kehne Laga Ke Mere Papa Hain,Main Roz Unke Sath Aata Hoon.Wo Mujhe Yahan Jhooloun Pe Khailne Ke Liye Chor Dete Hain Aur Khud Park Main Bane Track Pe Walk Karte Hain,Main Ne Kaha Toh Phir Aap Khailo Na.Kehne Laga Kis Ke Sath Khailoon.Main Ne Kaha Kisi Ke Sath Bhi Khailo, Wo Daikho Sare Bache Khail Rahe Hain, Toh Masoomiyat Se Bola.Par Mera Koi Dost Nahi Bana Hai Na ..Main Ne Kaha Jhoole Hain Ap Jaow Aur Unpe Khailo, Bola Aap Mera Koi Friend Bana Dain, Aur Mera Hath Pakar Kar Mujhe Apni Taraf Kheenchne Laga.Mujhe Uski Be Takkalufi Bohot Achi Lagi, Chotoo Sa..Gol Matol..Cute..Stylish Hair Style, Shorts Main Mujhe Itna Acha Laga Ke Mera Dil Nahi Kia Ke Main Usko Inkar Karon
Uske Sath Aik Slide Ki Taraf Chalne Lagi..Aur Aik Bache Ko Awaz Di Ke Aap Ka Name Kya Hai,Kehne Laga Arzan, Main Ne Kaha Aap Is Bache Ke Sath Game Khailo Aur Is Ke Friend Ban Jaow..Toh Bola..Jee Nahi Jee.Main Ayan Ka Dost Nahi Hoon Ye Bohot Ganda Bacha Hai,Main Ne Kaha Ayan Koun .Kehne Laga Ye Bacha Jo Ap Ke Sath Hai,Phir Mujhee Pata Laga Ke Is Bache Ka Name Ayan Hai, Aur Jante Hue Bhi Iske Sath Arzan Khailna Nahi Chahta.Main Ne Arzan Se Waja Poochi Toh Kehne Laga Ke Ye Marta Hai,Main Ne Poocha Kion Marta Hai Toh Kehne Laga Ke Baji Ye Ganda Bacha Hai.Is Ki Maama Bhi Is Ke Sath Nahi Aati Hain,Ham Ghar Jane Lagte Hain Toh Ye Hamari Pitayee Lagaane Lagta Hai, Ke Na Jaaow..Main Ne Kaha Buri Baat.Ayaan Beta Aap Aisa Kion Karte Ho..Jawab Aaya Toh Phir Mere Paapa Bhi Toh Walk Karte Rehte Hain .Main Bor Ho Jata Hoon.Maama Aati Nahi Hain Sath Hamare..Mera Dil Udaas Ho Gaya.Ke Kaise Kaise Behave Karte Hain Loug Apni Auad Ke Sath.Kabhi Unke Liye Waqt Nahi Nikaalte Aur Kabhi Waqt Bazahir Nikaal Bhi Lain Toh Unko Apne Hone Ke Ehsaas Se Mehroom Rakhte Hain..Allah In Sab Waldain Ko Aqal De.Aameen.
Uske Sath Aik Slide Ki Taraf Chalne Lagi..Aur Aik Bache Ko Awaz Di Ke Aap Ka Name Kya Hai,Kehne Laga Arzan, Main Ne Kaha Aap Is Bache Ke Sath Game Khailo Aur Is Ke Friend Ban Jaow..Toh Bola..Jee Nahi Jee.Main Ayan Ka Dost Nahi Hoon Ye Bohot Ganda Bacha Hai,Main Ne Kaha Ayan Koun .Kehne Laga Ye Bacha Jo Ap Ke Sath Hai,Phir Mujhee Pata Laga Ke Is Bache Ka Name Ayan Hai, Aur Jante Hue Bhi Iske Sath Arzan Khailna Nahi Chahta.Main Ne Arzan Se Waja Poochi Toh Kehne Laga Ke Ye Marta Hai,Main Ne Poocha Kion Marta Hai Toh Kehne Laga Ke Baji Ye Ganda Bacha Hai.Is Ki Maama Bhi Is Ke Sath Nahi Aati Hain,Ham Ghar Jane Lagte Hain Toh Ye Hamari Pitayee Lagaane Lagta Hai, Ke Na Jaaow..Main Ne Kaha Buri Baat.Ayaan Beta Aap Aisa Kion Karte Ho..Jawab Aaya Toh Phir Mere Paapa Bhi Toh Walk Karte Rehte Hain .Main Bor Ho Jata Hoon.Maama Aati Nahi Hain Sath Hamare..Mera Dil Udaas Ho Gaya.Ke Kaise Kaise Behave Karte Hain Loug Apni Auad Ke Sath.Kabhi Unke Liye Waqt Nahi Nikaalte Aur Kabhi Waqt Bazahir Nikaal Bhi Lain Toh Unko Apne Hone Ke Ehsaas Se Mehroom Rakhte Hain..Allah In Sab Waldain Ko Aqal De.Aameen.
Main Ne Kaha Ayan Ap Apne Paapa Se Kaho Ke Wo Ap Ke Sath Game Khaila Karain Par Main Is Se Ziada Keh Bhi Kia Sakti Thi Arazan Aur Ayan Main Dosti Karwa Ke Wapas Apni Jaga Lout Ayee.Phir Mujhe Khayal Aaya Apni Dono Bhabiyoun Ke.Unke Halaat Bhi Toh Aise Nahi Ke Wo Apne Bachoun Ko Apni Marzi Ki Zindagi De Sakain.Aik Bhabi Ka Sirf Aik Beta Aur Doosri Bhabi Ka Bi Sirf Aik Beta..Aur Koi Behen Bhai Nahi. Dono Aik Doosre Se Ke Sath Khailne Ke Liye Majboor Hain,Par Ye Jo In Ki Mothers Ka Aapas Ka Relation Hai Wo In Dono Bachoun Ko Bhi Apni Apni Jaga Rishtoun Ka Paband Bana Raha Hai.Aik Ko Pasand Nahi Ke Uska Beta Doosri Bhabi Ke Bete Ke Sath Khaile..Kya Ye Hi Maasoomiyat Ki Parwarish Hai,Kya Aise Hi Aik Behtreen Insan Ki Parwarish Ki Ja Sakti Hai..Afsos..Dono Ko Ehsaas Hi Nahi Ke Is Tarha Wo Apni Jelousy Kam Nikaal Rahi Hain Balke Bache Ke Ikhlaaq Pe Ziada Asar Parzeer Hain.
Wah Ji Wah Saima Idher Aaow Tumhain Aik Maze Ki Cheez Dikhaoon..Meri Cousin Ki Awaz Ne Mujhe Chounka Dia.Main Ne Uski Taraf Daikha Toh Wo Aik Bache Ki Taraf Ishaara Kar Rahi Thi, Aur Wo Bacha Sari Dunia Se Bekhabar Pata Nahi Kis Ko Lecture De Raha Tha, Halanke Us Ke Saamne Na Koi Doosra Bacha Tha, Na Koi Dost Aur Na Hi Koi Behen Bhai..Wo Bacha Magan Kuch Ye Alfaaz Bol Raha Tha..Baith Jaayen .Plzz Guys Ap Baith Jayen And Keep Your Fingurs On Your Lips ..Aj Ap Sab Ko Punish Kia Jaye Ga.Ap Loug Bohot Sharaarti Ho Gaye Hain,Studies Pe Dhayan Nahi Dete Hain .Aur Tum ..Tumhare Toh Parents Ko Main Bulaaoongi , Unko Batana Pare Ga Ke Tum Kitne Sharaarti Ho. Bohot Tang Karte Ho, Phir Jhoot Moot Rone Ki Awaz Nikaali Aur Aik Lamhe Main Wo Bacha Teacher Ki Bajaye Student Ban Gaya Aur Kehne Laga.Mam Plz. Mere Papa Ko Na Batana.Wo Meri Bohot Pitayee Karainge.Aur Phir Sach Much Main Zor Zor Se Rone Laga..Main Aur Meri Cousin Hairat Se Usko Daikhne Lage Ke Achanak Khailte Khailte Kion Rone Laga.Uski Nazroun Ka Peecha Karte Hue Main Ne Daikha Ke Wo Kion Ro Raha Hai Toh Pata Chala Ke Sahab Ko Laga Ke Uske Maama Aur Papa Gumm Ho Gaye Hain Usko Nazar Nahi Aa Rahe Hain.Par Jaise Hi Uski Nazar Uske Mama Papa Pe Pari Toh Sab Kuch Bhool Kar Bhaagta Hua Unke Paas Chala Gaya.
Main Ne Jaldi Se Apni Cousin Ke Sir Par Hath Phaira Aur Usko Gale Lagaya Aur Khud Bhi Apne Parents Ki Naqal Utaarte Hue Usko Kaha .Oh Meri Shehzadi Meri Gurrya Meri Raani Kahan Thi Tum Itne Dair Se , Ghar Jaldi Wapas Aa Jaya Karo Tumhain Walk Karne Ki Ijazat Di Hai , Ye Nahi Kaha Ke Tum Wahan Ja Kar Ghar Ko Bhool Jaya Karo..Aur Foran Meri Cousin Ne Aise Jawab Dia Mujhe Jaise Main Apne Parents Ko Jawab De Rahi Hoon.Ammi Main Park Ja Kar Ap Ko Bhool Nahi Gai Thi,,Pehle Fozia Se Batain Kare Lagi.Phir Mujhe Eemaan Ki Ammi Mill Gai.Wo Kehne Lagi Main Akaile Walk Kar Rahi Hoon Mere Sath Walk Karo, Phir Mujhe Khud Thakawat Si Hone Lagi Toh Main Bench Pe Ja Kar Baith Gai ..Ammi Wahan Do Ullu Daikhe Ham Ne..Wo Dono Ullu Raat Ke Andhaire Main Aankhain Phaar Phaar Kar Sare Park Main Baithi Larkiyoun Ko Daikh Rahe The.Ammi Wo Ullu Phir Uth Kar Park Se Bahar Chale Gaye Toh Ham Un Ke Khali Bench Pe Ja Kar Baith Gaye Toh Bas Dil Nahi Kia Uthne Ko.Itne Main Main Ne Apni Cousin Ka Kaan Pakra Aur Kaha Chalo Ghar Chalo Is Se Pehle Ke Ammi Yahan Aa Kar Khud Tumhare Kaan Kheenchain..Aur Wo Zor Se Cheekhi.Uffffffff.Kaan Toh Choro Na Saima..Kya Hai Tumhain..Touba Mera Kaan Dard Kar Raha Hai.Aur Moonh Bana Ke Door Hat Gai.Main Ne Bhi Dil Bura Kia.Ke Kitne Nakhre Hain Uske. Aur Zor Se Boli Bak Bak Band Karo..Gusse Main Tumhari Aankhain Un Do Ulluoun Ki Tarha Lagti Hain..Aur Phir Dono Zor Zor Se Hanse.Aur Aik Lamhe Main Bhool Gaye Ke Ham Dono Abhi Kuch Dair Ke Liye Naraz Hue The.Aur Ghar Ki Taraf Chal Diye..
Reply With Quote
Bookmarks