کوئی اور اس کو سوا تیرے نہ بھایا ہو گا

[intelligent086]

اپنی جانب کو جسے تو نے لبھایا ہو گا
کوئی اور اس کو سوا تیرے نہ بھایا ہو گا

در تلک جس کو رسائی ترے ہو گی اس نے
سنگ در چوم کے آنکھوں سے لگایا ہو گا

دے گا وہ حرص و ہوس کو نہ کبھی دل میں جگہ
دل میں جس شخص کے تو آپ سمایا ہو گا

منہ تھا کیا ماہ کا کوٹھے پہ ترے منہ چڑھتا
مہر پرنور نے بھی منہ نہ دکھایا ہو گا

درد سر تم جو بتاتے ہو نصیب اعدا
درد دل آپ کو عاشق نے سنایا ہو گا

درپئے قتل نہیں میرے وہ قاتل اے دل
تیغ ابرو کو جو کھینچا تو ڈرایا ہو گا

بے خطا تو نہیں ہوتے ہیں ظفر وہ برہم
زلف کو ہاتھ کہیں تو نے لگایا ہو گا​

Similar Threads:

• ماں اپنے 3 بچوں کے ساتھ وہ کر گئی کہ سوچ کر ہی 
• وہ دن ہوا ہوئے کہ پسینہ گلاب تھا ارشاد احمد &
• اے دوست کوئی مجھ سا رسوا نہ ہوا ہو گا
• بلھے شاہ اساں مرنا ناہیں گور پیا کوئی ہور...!
• اگر چھوٹا بھی اس سے آئینہ خانہ تو کیا ہوگا