بے یک نگاہ بے شوق بھی، اندازہ ہے، سو ہے

[intelligent086]

بے یک نگاہ بے شوق بھی، اندازہ ہے، سو ہے

با صد ہزار رنگ، وہ بے غازہ ہے، سو ہے

ہوں شامِ حال یک طرفہ کا امیدِ مست
دستک؟ سو وہ نہیں ہے، پہ دروازہ ہے، سو ہے

آواز ہوں جو ہجرِ سماعت میں ہے سکوت
پر اس سکوت پر بھی اک آوازہ ہے، سو ہے

اک حالتِ جمال پر جاں وارنے کو ہوں
صد حالتی میری، میری طنازہ ہے، سو ہے

شوقِ یقیں گزیدہ ہے اب تک یقیں میرا
یہ بھی کسی گمان کا خمیازہ ہے، سو ہے

تھی یک نگاہِ شوق میری تازگی رُبا
اپنے گماں میں اب بھی کوئی تازہ ہے، سو ہے

Similar Threads:

• پا بہ زنجیر کرے، طوق بنے، دار بنے
• ہوئی یہ بیخودی چشم و زباں کو، تیرے جلوے سے
• دیوانگی سے ، دوش پہ زنّار بھی نہیں
• رونے سے ، اور عشق میں بے باک ہو گئے
• دین سے دُور ، نہ مذہب سے الگ بیٹھا ہوں