Attention Guest, if you are not a member of Urdu Tehzeb, you have 1 new private message waiting, to view it you must fill out 
نام محمد کی تعظیم کرنیوالے سلطان
سلطان ناصرالدین محمود کے ایک صاحب کا نام محمدتاج الدین تھا۔ سلطان ہمیشہ اسے پورا نام لے کر پکارتے تھے ایک روز سلطان نے صرف تاج الدین کہہ کر آواز دی۔ مصاحب نے اس وقت تو سلطان کے حکم کی تعمیل کردی لیکن بعد میں اپنے گھر چلا گیا اور تین روز تک سلطان کی خدمت میں حاضر نہ ہوا۔ سلطان نے اسے طلب کیا اور اس کی غیرحاضری کی وجہ دریافت کی۔ مصاحب نے جواب دیا: آپ ہمیشہ مجھے محمدتاج الدین کہہ کرپکارتے تھے لیکن اس دن آپ نے مجھے صرف تاج الدین کہہ ...کر پکارا میں نے اس سے یہ نتیجہ نکالا ہے کہ شاید آپ کے دل میں میری طرف سے کوئی بدگمانی پیدا ہوگئی ہے اس لیے میں آپ کی خدمت میں حاضر نہ ہوا۔ یہ تین دن میں نے پریشانی اور بے چینی سے گزارے ہیں۔ سلطان نے کہا: میں تم سے ہرگز بدگمان نہیں جس وقت میں نے تمہیں تاج الدین کہہ کر پکارا اس وقت میں باوضو نہ تھا۔ مجھے یہ مناسب معلوم نہ ہوا کہ میں بغیر وضو ’’محمد‘‘ کا مقدس نام اپنی زبان پر لاؤں۔
Similar Threads:
Reply With Quote
Bookmarks