قندِ دہن، کچھ اس سے زیادہ

[intelligent086]

قندِ دہن، کچھ اس سے زیادہ

لطفِ سخن، کچھ اس سے زیادہ

فصلِ خزاں میں لطفِ بہاراں
برگِ سمن کچھ اس سے زیادہ

حالِ چمن پر تلخ نوائی
مرغِ چمن، کچھ اس سے زیادہ

دل شکنی بھی، دلداری بھی
یادِ وطن، کچھ اس سے زیادہ

شمعِ بدن فانوسِ قبا میں
خوبیِ تن، کچھ اس سے زیادہ

عشق میں کیا ہے غم کے علاوہ
خواجۂ من، کچھ اس سے زیادہ

بیروت 1980ء
٭٭٭

Similar Threads:

• ’’چھپنا دیوانِ غالبؔ نسخۂ امروہہ کا‘‘ سے چند
• آزردگی یہ چھوڑ قفس ہم سے نہ جاسکے
• چھوڑا، مہِ نخشب کی طرح، دستِ قضا نے
• ستایش گر ہے ، زاہد اس قدر جس باغِ رضواں کا
• ہر قدم، دوریِ منزل، ہے نمایاں مجھ سے