Quote Originally Posted by intelligent086 View Post
کس گھاٹ اُترنا تھا لبِ جُو نکل آئے

پھر شام ہوئی دشت میں آہو نکل آئے

اُڑنے لگی دیوارِ قفس سے کوئی تحریر
یا تیرے اسیروں ہی کے بازو نکل آئے

اس ڈر سے میں سویا نہیں نیندوں کے سفر میں
کب میرے تعاقب میں وہ خوشبو نکل آئے

پھر عدل کی زنجیر ہلا دی ہے کسی نے
پھر وعدۂ فردا پہ ترازو نکل آئے

ہم صبر کی تلقین کیا کرتے تھے جس کو
اب کے اُسے دیکھا ہے تو آنسو نکل آئے

آنکھوں سے الجھنے لگا ہے پھر جوہرِ گریہ
اِس عالمِ وحشت میں اگر تُو نکل آئے

آئے جو سلیمؔ اب سرِ فہرست سخن ہم
کچھ حفظِ مراتب کے بھی پہلو نکل آئے
٭٭٭


Nice Sharing.....
Thanks