عجب انداز سے موج بہار آئی ہے...!!!

https://encrypted-tbn1.gstatic.com/i...eq-MLxbblOhH_w

میری آنکھ صبح چڑیوں کی چہچہاہٹ سے کھلی ، کانوں میں پرندوں کی آواز ایسے ہلچل مچاتی ہے جیسے سنگ مر مر کے ٹھنڈے فرش پر سرخ جوڑے میں ملبوس دلہن ہلکے ہلکے قدم بڑھاتی ہو. اور اس کی آمد دل میں ایک انجانی سی خوشی اور امنگ جگا دے . چڑیوں کی آواز نے مجھ میں بھی ترنگ اور ایک انجانی سی شوخی پیدا کر دی. میں نے کچھ دن قبل ہی شدید سردیاں اور ان سردیوں میں ٹھنڈے فرش کے احساس کو شدت سے محسوس کیا تھا. گرم گرم بستر سے ٹھنڈے فرش تک کا سفر پاؤں ہی کیا روح کو بھی ٹھنڈا کر دیتا ہے ، اور ایک پھریری سی سارے جسم میں دوڑ جاتی ہے .مگر یہ صبح سردیوں کی نہیں بلکہ موسم بہار کی تھی. بستر سے قدم اتارتے وقت خواہش تھی کے ٹھنڈا ٹھنڈا فرش میرے پیروں کے تلوؤں کو چھو جائے . اور ایسا ہی ہوا. اس ٹھنڈک کی تاثیر دل تک جاتی محسوس ہوئی .

ایک عجیب سا احساس ہوتا ہے ، فروری سے مارچ میں داخل ہونے کا . سردی میں کمرے کا دروازہ کھولتے شدید سردی گرم چادر، سویٹر کی خواہش جگاتا . جبکہ مارچ کا خوشگوار موسم ہو اور دروازہ کھولتے ہی چہرے پر جو ٹھنڈی ہوا ایک تازگی پیدا کرتی ہے ، وہ ہی تازگی دل میں ، روح میں اترتی محسوس ہوتی ہے .میں نے اپنے چہرے کو اپنے ہی ہاتھوں سے چھو کر ایسے محسوس کرنا چاہا جیسے میں اس موسم کی ٹھنڈک اور تازگی کو اپنے چہرے پر محسوس کر رہی ہوں .میرے کان ، میرے بال میرا چہرہ موسم کی تازگی کو محسوس کر سکتے تھے .ایک عجیب سا سرور اور تازگی . وجہ بلا وجہ جذبوں میں خوشگواری . بہت دلفریب ادا ہوتی ہے موسم کی جب بہار ہوتی ہے.

میری عادت ہے . کمرے سے نکلتے ساتھ ہی اپنے گھر کے لان کا نظارہ کرنا ، اور کھلے آسمان کو تکنا . تازگی کی وجہ سے میری نظر پہلے آسمان پر پڑی، نیلا نیلا دھلا دھلا شفاف آسمان، دور کہیں کہیں بادلوں کے سرمئی اندھیرے اس بات کا منہ بولتا ثبوت تھے کہ آسمان کی یہ تازگی خود میں سے تمام گرد و غبار برسا دینے کے بعد کی ہے . پھر مجھے یاد آیا . رات جب میں گہری نیند میں تھی. مجھے اپنے کمرے کی چھت پر تیز تیز برستی بارش کا شور سنائی دیا تھا . اور گھنٹہ بھر اس بارش کے شور نے مجھے جگائے رکھا . اور پھر کب تازہ ہوا کے جھونکے نے گہری نیند سلا دیا پتا ہی نہیں لگا . دور سے سورج کی کرنیں پھوٹ رہی تھیں ، مگر چونکہ آسمان مکمل صاف نہ تھا ، تو روشنی دھند، روشنی دھند کا سما بندھ ہوا تھا . بادل کی اوٹ سے جھانکتی سورج کی کرن بہت خوبصورتی سے آنکھوں کو خیرا کر رہی تھی .

میں نے بالکونی سے باہر نظر ڈالی ، تو کھلے کھلے ، دھلے دھلے ، ہلکی ہوا میں جھومتے ہرے بھرے درختوں کے پتے ، یوں محسوس ہوے جیسے ، یہ بھی اس موسم کا مزہ لے رہے ہوں . میں لان میں اتری نہیں. مگر رات برسی بوندوں کی ہری بھری گھاس پر ٹھنڈک کا احساس مجھے تازہ دم کر گیا .یکدم آسمان پر اڑتے طوطوں کی آواز نے مجھے آسمان کی طرف متوجوہ کر دیا .نیلے آسمان کے جیسے بلکل قریب یہ پرندے اٹھکھیلیاں کر رہے تھے . اپنے پروں کو بھر پور پھیلا کر ہوا کے دوش پر اڑے جا رہے تھے . پھر ایک جھنڈ سفید اور سرمائی کبوتروں کا اڑتا نظر آیا . ایسے جیسے یہ اسی موسم کے انتظار میں تھے . اور بہار آتے ساتھ ہی ان کو آسمان کی بلندیوں کو چھونا تھا . اڑتے اڑتے نظروں سے اوجھل ہو گئے اور آسمان میں کہیں کھو گئے .

میرے دیکھتے دیکھتے سورج اپنی آب و تاب پر آ چکا تھا . مگر ابھی بھی کہیں کہیں بادلوں کے ٹکڑے اسکو اپنے آنچل میں چھپا لیتے تھے . مگر یہ پھر ان سے چھپ کر کہیں نہ کہیں سے اپنی جھلک دکھا رہا تھا . سڑک پر بھی چہل پہل ہونے لگی تھی. دھلی ہوئی صاف سڑک پر اکا دکا کار ، یا کوئی پیدل چلنے والا راہگیر ، یا زناٹے سے گزر جانے والے موٹر بائیک کا شور اس خوبصورت منظر کا سحر توڑ رہا تھا. اس شور اور ہوا کے کم ہوتے زور نے مجھے بھی موسم کے جادو سے باہر نکال لیا . اور میں نے خود کو اس بیخودی کے عالم سے نکال کر نئے دن کے آغاز کی تیاریاں شروع کر دی.

اور آخر میں بہار پر دل کو چھونے والا یہ شاعر کیا کہتا ہے پڑھیے

فیض احمد فیض

یوں بہار آئی ہے اس بار کے جیسے قاصد
کوچۂ یار سے بے نیلِ مرام آتا ہے

ہر کوئی شہر میں پھرتا ہے سلامت دامن
رند میخانے سے شائستہ خرام آتا ہے

ہوسِ مطرب و ساقی میں پریشاں اکثر
ابر آتا ہے کبھی ماہِ تمام آتا ہے

شوق والوں کی حزیں محفلِ شب میں اب بھی
آمدِ صبح کی صورت ترا نام آتا ہے

اب بھی اعلانِ سحر کرتا ہوا مست کوئی
داغِ دل کر کے فروزاں سرِ شام آتا ہے

Ahaaa Ruby jee bohat khobsourti sy Alfaz ka chunao kia aur aik mala pro di jis ko tehreer ka naam dy dia gaia..:)

Quote:

---

Originally Posted by Ria

Ahaaa Ruby jee bohat khobsourti sy Alfaz ka chunao kia aur aik mala pro di jis ko tehreer ka naam dy dia gaia..:)

---

ye aap ki apni nazar ki khoobsoorti hai janab..

Quote:

---

Originally Posted by CaLmInG MeLoDy

ye aap ki apni nazar ki khoobsoorti hai janab..

---

beauty is in the eye of beholder

Ahaan bht acha lika apne .. Kamal hy ap itni talented hy :l

Quote:

---

Originally Posted by Alex Abbaxi

Ahaan bht acha lika apne .. Kamal hy ap itni talented hy :l

---

bohot nawaazish janab.. :)

bohot acha ..bohot acha.. jitni taareef ki jaye kam hai. CM bohot aala likha hai aap ne..parh kar acha laga.

Bhoot Good

Ruby to fir ruby hi hai na :)

Quote:

---

Originally Posted by Dua

bohot acha ..bohot acha.. jitni taareef ki jaye kam hai. CM bohot aala likha hai aap ne..parh kar acha laga.

---

bohot shukria dua... bohot nawaazish..

Quote:

---

Originally Posted by illusionist

Bhoot Good

Ruby to fir ruby hi hai na :)

---

hmmmmmm..acha..mainoo koi pata nahi tha :P ..waise bohot nawaazish..aik aur tehreer hazir hai..

bohot zabardast likha. dil khosh hua

Assalam o Alaikum.

Aala o umda post.

or muje to khud Chaaro mosam mai Bahar he pasand hai,na sardi na garmi,bas ik halki halki si khushi ka ehsaas hota hai vo bhi kisi khushi k bina.