Huge Collection Of Ashars

ہمارے رابطے ہی اس قدر ہیں تم ہو اور بس تم
تمہیں سب سے محبت ہو تمہارے ساتھ رہنا ہے

اور اب گھر بار جب ہم چھوڑ کر آ ہی چکے ہیں تو
تمہیں جتنی بھی نفرت ہو تمہارے ساتھ رہنا ہے

ہمارے پاؤں میں کیلیں اور آنکھوں سے لہو ٹپکے
ہماری جو بھی حالت ہو تمہارے ساتھ رہنا ہے

تمہیں ہر صبح اور ہر شام ہے بس دیکھتے رہنا
تم اتنی خوبصورت ہو تمہارے ساتھ رہنا ہے

بہت شدت سے جو قائم ہوا تھا
وہ رشتہ ہم میں شاید جھوٹ کا تھا

کسی کا انتظار اب کے نہیں ہے
گئے وہ دن کہ کھڑکی دیکھتا تھا

محبت نے اکیلا کر دیا ہے
میں اپنی ذات میں اک قافلہ تھا

مری آنکھوں میں بارش کی گھٹن تھی
تمہارے پاؤں بادل چومتا تھا

تمہاری ہی گلی کا واقعہ ہے
میں پہلی جب تنہا ہوا تھا

پھر اس کے بعد رستے مر گئے تھے
میں بس اک سانس لینے کو رکا تھا