اردو اشعار Urdu Ashaar

کھلتا جاتا ہے کی یہ جادو گری کس کی ہے
آئینے سامنے رکھے ہیں ہمارے ہم نے

اِک شخص سماں بدل گیا ہے
مٹی کا جہاں بدل گیا ہے

بندہ وہ خُدا نہیں تھا لیکن
ہر جسم میں جاں بدل گیا ہے

وہ آخری آدمی خُدا کا
سب لفظ و بیاں بدل گیا ہے

پاؤں میں تھی آدمی کے کب سے
زنجیرِ گراں بدل گیا ہے

ہر نام و نسب کے دور میں وہ
سب نام و نشاں بدل گیا ہے

کہتے ہیں شہید کربلا کے
مفہومِ زیاں بدل گیا ہے

ہر زندہ چراغ ہے اُسی کا
وہ نُور کہاں بدل گیا ہے

پروانے کہاں یہ سُننے والے
اب دور میاں بدل گیا ہے

آواز یہ اُس مکاں سے آئی
وہ شخص مکاں بدل گیا ہے