Huge Collection Of Ashars

تیرے عشق کا تیری روح کا
میری وحشتوں میں ظہور ہے

اے دل رائیگاں اداس اداس
پھر رہے ہو کہاں اداس اداس

چاند اک عمر سے سفر میں ہے
آسماں آسماں اداس اداس

جب بھی دیکھا ہے جھانک کر دل میں
ہو گیا سب جہاں اداس اداس

زندگی کھیل ہے اداسی کا
ہم یہاں تم وہاں اداس اداس

پھرتے رہتے ہیں ہم محبت میں
مضمحل ناتواں اداس اداس

سوچتا ہوں کہ میرے سینے میں
جانے کیا ہے نہاں اداس اداس

کیا اداسی سوا نہیں کچھ بھی
اے میرے لا مکاں اداس اداس

رات بھر جاگتے ہوں کیوں آخر
اس طرح میری جاں اداس اداس

اک طرف غم ہیں اک طرف خوشیاں
اور میں درمیاں اداس اداس