Huge Collection Of Ashars

حُسن سارا وُہ اِک تجھی میں ہے
ڈھونڈتا ہُوں جسے ہزاروں میں

جب سے مہکا ہے تن بدن تیرا
کھلبلی سی ہے اِک بہاروں میں

عالمِ خواب ہے کہ قُرب تِرا
گھر گیا ہوں عجب شراروں میں

پھُوٹتی ہے جو کنجِ لب سے ترے
آگ ایسی کہاں چناروں میں

روز تفسیرِ لطفِ جاں دیکھوں
تیرے مبہم سے اِن اشاروں میں

تن بدن لُطف سے نِکھرا دیکھوں
رُوح میں تُجھ کو سمایا دیکھوں

اشک در اشک ہوں عنواں تیرے
آئنوں میں تجھے اُترا دیکھوں

خوشبُو ہے اس میں رنگ ہیں، ندرت ہے تہ بہ تہ
ماجدؔ کا شعر تیرے بدن کی زمیں لگے

میرے لہو کا حسُن بھی جھلکے بہ حرف و صوت
ہاں اپنے ہاتھ تُجھ سا اگر نازنیں لگے

شعلے تمام اس میں تری دید ہی کے ہیں
میری نگاہ کیوں نہ بھلا آتشیں لگے