Huge Collection Of Ashars

بم کے دھماکے سے زخمی تھی پھولوں والی
اور بازار نے ایک تماشا پہن لیا تھا

سارا شہر شریک ہوا تھا اس کے دکھ میں
جس دن اس نے غم کا لمحہ پہن لیا تھا

مایوسی کے عالم میں بھی اے خورشید
ہم نے اک امید کا رستہ پہن لیا تھا

بتا کے حالِ دلِ زار اک زمانے کو
عجیب لوگ ہیں رسوائیوں سے ڈرتے ہیں

ہم اپنے دل میں چھپائے ہوئے تری خوشبو
ترے خیال کی پُروائیوں سے ڈرتے ہیں

کسی کے نام پہ خورشید کاٹ لیں گے حیات
بس ایک عمر کی تنہائیوں سے ڈرتے ہیں

حرف حرف میں موجود
بات کا اثر ہوں میں

منزلوں چلوں گا ساتھ
ایک رہگذر ہوں میں

دھوپ کی عنایت ہے
سایۂ شجر ہوں میں

پیڑ ہوں خیالوں کا
اور بے ثمر ہوں میں