اس تکلف سے نہ پوشاکِ بدن گیر میں آ
اس تکلف سے نہ پوشاکِ بدن گیر میں آ
خواب کی طرح کبجی خواب کی تعبیر میں آ
میں بھی اے سرخیِ بے نام تجھے پہچانوں
تو حنا ہے کہ لہو، پیکرِ تصویر میں آ
اس کے حلقوں میں تگ و تاز کی وسعت ہے بہت
آہوئے شہر، مری بانہوں کی زنجیر میں آ
چارہ گر خیر سے خوش ذوق ہے، اے میری غزل
کام اب تو ہی مرے درد کی تشہیر میں آ
وہ بھی آمادہ بہت دن سے ہے سننے کے لئے
اب تو اے حرفِ طلب معرضِ تقریر میں آ
ایک رنگ آخری منظر کی دھنک میں کم ہے
موجِ خوں اٹھ کے ذرا عرصۂ شمشیر میں آ
***
Re: اس تکلف سے نہ پوشاکِ بدن گیر میں آ
بہت ہی عمدہ پوسٹ
ہمارے ساتھ شیئر کرنے کا شکریہ
اِس قسِم کی اور بھی اچھی اچھی پوسٹنگ کا انتظار رہے گا
Re: اس تکلف سے نہ پوشاکِ بدن گیر میں آ
Quote:
Originally Posted by
Rania
بہت ہی عمدہ پوسٹ
ہمارے ساتھ شیئر کرنے کا شکریہ
اِس قسِم کی اور بھی اچھی اچھی پوسٹنگ کا انتظار رہے گا
