ہِجر شب میں اِک قرارِ غائبانہ چاہیے
ہِجر شب میں اِک قرارِ غائبانہ چاہیے
غیب میں اِک صورتِ ماہِ شبانہ چاہیے
سن رہے ہیں جس کے چرچے شہر کی خلقت سے ہم
جا کے اِک دن اس حسِیں کو دیکھ آنا چاہیے
اس طرح آغاز شاید اِک حیاتِ نو کا ہو
پچھلی ساری زندگی کو بھول جانا چاہیے
وہ جہاں ہی دوسرا ہے وہ بت دیر آشنا
اس جہاں میں اس سے ملنے کو زمانہ چاہیے
کھینچتی رہتی ہے دائم اس کو باہر کی ہوا
اس کو تو گھر سے نکلنے کا بہانہ چاہیے
بستیاں نامتفق ہیں میری باتوں سے منیر
ان میں مجھ کو ایک حرفِ محرمانہ چاہیے
منیر نیازی
Re: ہِجر شب میں اِک قرارِ غائبانہ چاہیے
Umda inteKhab
sharing ka shukariya
Re: ہِجر شب میں اِک قرارِ غائبانہ چاہیے
