محبت کا جب زورِ بازار ہو گا

محبت کا جب زورِ بازار ہو گا

بکیں گے سر اور کم خریدار ہو گا



نہ خالی رہے گی مری جاگہ گر میں
نہ ہوں گا تو اندوہِ بسیار ہو گا

یہ منصور کا خونِ ناحق کہ حق تھا
قیامت کو کس کس سے خوں دار ہو گا

کھنچے عہدِ خط میں بھی دل تیری جانب
کبھو تو قیامت طرح دار ہو گا

زمیں گیر ہو عجز سے تُو کہ اک دن
یہ دیوار کا سایہ دیوار ہو گا

نہ پوچھ اپنی مجلس میں ہے میرؔ بھی یاں
جو ہو گا تو جیسے گنہ گار ہو گا

Awsome Sharing Keeo It up bro

Umda intekhab
Share karne ka shukariya :)

پسند اور خوب صورت آراء کا بہت بہت شکریہ