سرِ مقتل بھی صدا دی ہم نے

سرِ مقتل بھی صدا دی ہم نے


دل کی آواز سنا دی ہم نے
پہلے اک روزنِ در توڑا تھا
اب کے بنیاد ہلا دی ہم نے
پھر سر صبح وہ قصہ چھیٹرا
دن کی قندیل بجھا دی ہم نے
آتش غم کے شرارے چن کر
آگ زنداں میں لگا دی ہم نے
رہ گئے دستِ صبا کمھلا کر
پھول کو آگ پلا دی ہم نے
آتش گل ہو کہ ہو شعلۂ ساز
جلنے والوں کو ہوا دی ہم نے
کتنے ادوار کی گم گشتہ نوا
سینۂ نے میں چھپا دی ہم نے
دم مہتاب فشاں سے ناصرؔ
آج تو رات جگا دی ہم نے

bht khoob Sharing

پسندیدگی اور حوصلہ افزائی کا شکریہ