جہاں میں درد کا ہر رابطہ ہے میرے لئے

جہاں میں درد کا ہر رابطہ ہے میرے لئے

کوئی کٹھن ہے تو وہ راستہ ہے میرے لئے

خیال بھی نہیں آتا کہ نیند کیا شے ہے

یہ رتجگوں کا عجب سلسلہ ہے میرے لئے

عجب حصار میں ہوں ماورائی آنکھوں کے

قدم قدم پہ کوئی دائرہ ہے میرے لئے

چراغ گل ، شبِ تاریک ، وحشتِ گریہ

جتن سہی پہ مرا سانحہ ہے میرے لئے

سنا ہے کل پہ کسی اور کا ہے نام رقم

تو گویا آج کا ہر مسئلہ ہے میرے لئے

کوئی گلی کوئی موسم کوئی مہینہ ہو

تلاشِ ذات ہی اک مشغلہ ہے میرے لئے

میں لڑ رہی ہوں اکیلی کئی محاذوں پر

یہ خود سے جنگ تو اک مرحلہ ہے میرے لئے

٭٭٭

T4$ Keep It Up

http://www.mobopk.com/images/pasandkarnekabohatbo.png