پھر ہوائے نم میں خالی ہو گئے آنکھوں کے جام

پھر ہوائے نم میں خالی ہو گئے آنکھوں کے جام

دیکھ تُو آ کر ، گزاری کس طرح اک اور شام

کاغذی امید کی کشتی، حقیقت کا سفر

آگ میں چلنا پڑا اک خواب میں کر کے قیام

ضبط کا آنچل کبھی وابستگی کا پیراہن

یاس میں لپٹا رہا جسمِ تمنا بس مدام

منزلِ نادیدہ کی جانب رواں تھے نیند میں

اور غم کی سرزمیں کے خون آلودہ تھے گام

رات بھر رویا کروں یادوں کے بستر میں پڑے

کروٹیں لے کر شبِ تیرہ کہاں ہو گی تمام

٭٭٭

T4$ Keep It Up

http://www.mobopk.com/images/pasandkarnekabohatbo.png