لودھراں جلسہ:الیکشن کمیشن نے عمران خان کو 

الیکشن کمیشن نے چیئرمین تحریک انصاف عمران خان کو لودھراں میں جلسے سے خطاب کرنے سے روک دیا ہے ۔

الیکشن کمیشن نے عمران خان کے نام خط لکھا ہے جس میں کہا گیا ہے کہ 12فروری کوحلقے میں ضمنی انتخاب ہے، ضابطہ اخلاق کے تحت رکن قومی اسمبلی انتخابی حلقے میں جلسہ نہیں کرسکتے۔

الیکشن کمیشن نے خط میں کہا کہ توقع ہے سیاسی جماعتیں، قیادت اورامیدوارشفاف انتخابات کیلئے ضابطہ اخلاق کی پاسداری کریں گی۔

خط کے متن کے مطابق الیکشن ضابطے کے تحت کوئی بھی رکن قومی اسمبلی انتخابی حلقے میں جلسہ نہیں کرسکتا،عمران خان اور ان کی پارٹی کے دیگر ایم این اے اور ایم پی ایز میں شرکت کا ارادہ رکھتے ہیں۔

خط میں مزید کہا گیا ہے کہ ضمنی الیکشن سے قبل انتخابی حلقے کے جلسے سے خطاب کرکے عمران خان ضابطہ اخلاق کی خلاف ورزی کے مرتکب نہ ہوں۔

پی ٹی آئی اڈا پیلی والا لودھراں میں این اے 154لودھراں کے ضمنی الیکشن کے حوالے سے جلسہ ہونا ہے،جس سے عمران خان نے خطاب کرنا تھا ۔

لودھراں کی نشست پی ٹی آئی کے رہنما جہانگیر ترین کی نااہلی سے خالی ہوئی ہے،اس نشست پر جہانگیر ترین کے بیٹے علی ترین پی ٹی آئی کے امیدوار ہیں۔

جلسہ تو آج ہو گیا
شیئرنگ کا شکریہ

Imran khan nai pehlai kunsa Election Commission ka hukum mana hai hai ye man leta, us nai jalsa karna tha r kar liya.