دل اشعار

• اک دل کا درد ہے کہ رہا زندگی کے ساتھ
  اک دل کا چین تھا کہ سدا ڈھونڈتے رہے
  ===
  
• ہر جلوہ مقابل نظر آتا ہے مجھے
  ذرہ بھی تو منزل نظر آتا ہے مجھے
  فیضانِ غمِ یار کے قربان جاؤں
  ہر پھول میں اک دل نظر آتا ہے مجھے
  ===
  
• خدا کرے میری طرح تیرا کسی پہ آئے دل
  تو بھی جگر کو تھام کے کہتا پھرے کہ ہائے دل
  روندو نہ میری قبر کو اِس میں دبی ہیں حسرتیں
  رکھنا قدم سنبھال کے دیکھو کچل نہ جائے دل
  ===
  
• ظرف کی بات ہے کانٹوں کی خلش دل میں لئے
  لوگ ملتے ہیں ترو تازہ گلابوں کی طرح

یا رب وہ نہ سمجھے ہیں نہ سمجھیں گے میری بات
دےاوربھی دل انکو جو نہ دے مجھکو زباں اور۔۔

٭٭٭
بہت کہا تھا کہ دل میں رکھنا دلوں کی باتیں
بہت کہا تھا کہ سب کو ان کی خبر نہ کرنا
٭٭٭
دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں
٭٭٭

اجنبی خواہشیں سینے میں دبا بھی نہ سکوں
ایسے ضدی ہیں پرندے کہ اُڑا بھی نہ سکوں

پھونک ڈالوں گا کسی روز میں دل کی دنیا
یہ تیرا خط تو نہیں ہے کہ جلا بھی نہ سکوں​
٭٭٭

بہتر تو ہے یہی کہ نہ دنیا سے دل لگے
پر کیا کریں جو کام نہ بے دل لگی چلے
٭٭٭

بیدادِ عشق سے نہیں ڈرتا مگر اسد
جس دل پہ ناز تھا مجھے وہ دل نہیں رہا
٭٭٭

جلا ہے جسم جہاں دل بھی جل گیا ہوگا
کریدتے ہو جو اب راکھ جستجو کیا ہے؟؟؟​

عمدہ اور خوب صورت انتخاب
شیئر کرنے کا بہت بہت شکریہ

بہت عمدہ انتخاب

boht hi lajawab