جو حق میں تمہارے بند رہیں وہ لب گنجینۂ زر کر &

جو حق میں تمہارے بند رہیں وہ لب گنجینۂ زر کر دو

اور شور اٹھے جن گلیوں سے وہ گلیاں خون سے تر کر دو

جو سادہ منش ہیں ان سب کو تم دین کے نام پہ دھوکا دو

جو کھولے ڈھول کا پول اُسے اسلام آباد بدر کر دو

جو رات وطن پر چھائی ہے تم سب کے بھاگ جگانے کو

کچھ جگنو چھوڑ کے وعدوں کے اُس میں اعلانِ سحر کر دو

جو کھیت ترستے ہیں نم کو اُن کھیتوں کے اِک کونے کو

خِفّت کے عرق سے تر کر کے وقفِ تشہیرِ ہُنر کر دو

جو ہاتھ اُٹھیں وہ کٹ جائیں جو آنکھ اٹھے وہ پھوٹ بہے

ہر چلتی سانس کچلنے کو پیمانۂ فتح و ظفر کر دو

ہاں پیڑ پہ بیٹھی چڑیوں پر، کاہے کو کرو تم وار بھلا

ہاں ان کا شور دبانے کو شاہو! تو بیِخ شجر کر دو

٭٭٭