نہیں ہے رخم کوئی بخیے کے درخُور مرے تن میں

نہیں ہے رخم کوئی بخیے کے درخُور مرے تن میں
ہُوا ہے تارِ اشکِ یاس، رشتہ چشمِ سوزن میں
ہُوئی ہے مانعِ ذوقِ تماشا، خانہ ویرانی
کفِ سیلاب باقی ہے برنگِ پنبہ روزن میں
ودیعت خانۂ بے دادِ کاوش ہائے مژگاں ہوں
نگینِ نامِ شاہد ہے مرا ہر قطرہ خوں تن میں
بیاں کس سے ہو ظلمت گستری میرے شبستاں کی
شبِ مہ ہو جو رکھ دیں پنبہ دیواروں کے روزن میں
نکو ہش مانعِ بے ربطئ شورِ جنوں آئی
ہُوا ہے خندہ احباب بخیہ جَیب و دامن میں
ہوئے اُس مِہر وَش کے جلوۂ تمثال کے آگے
پَرافشاں جوہرآئینے میں مثلِ ذرّہ روزن میں
نہ جانوں نیک ہُوں یا بد ہُوں، پر صحبت مخالف ہے
جو گُل ہُوں تو ہُوں گلخن میں جو خس ہُوں تو ہُوں گلشن میں
ہزاروں دل دیئے جوشِ جنونِ عشق نے مجھ کو
سیہ ہو کر سویدا ہو گیا ہر قطرہ خوں تن میں
اسدؔ زندانئ تاثیرِ الفت ہائے خوباں ہُوں
خمِ دستِ نوازش ہو گیا ہے طوق گردن میں



Nahin hai zakham koi, bakhiye ke der mere tan mein
Hua hai tar ashk yaas, rishtah chashm sozan mein
Huia hai mane zauq tamasha, khanah weerani
Kafe sailab baqi hai barunge punbah rauzan mein
Wadeeat khanai baidad kawish haai masgan hon
Nagin name shahid hai mere her qatrah khoon tan mein
Bayan kis se hozulmat gastari mere shbistan ki
Shabe mah ho jo rakh dein panbah deewaron ke rauzan mein
Nakohash, mane be rabtie, shore jujon aayee
Hua hai khandai ahbab.bakhiyah jaib-o-daman mein
Huai is mahrawish ke jalwai tamsal ke aage
Pur afshan jo her aiene mein misle zarrah rauzan mein
Najano naik hon yaa bad hon, per sohbat mukhalif
Jo gul hon to hon gulkhan mein, jo khas hon to ho gulshan mein
Hazaron dil diye, joshe junone ishq ne mujh ko
Seeh hoker sowaida ho gaya her qatrah khoone tan mein
Asad! Zidani taseer ulfat haai khoban hon
Khame daste nawazish ho gaya hai, tauq gwerdan mein