یہ ہم جو ہجر میں دیوار و در کو دیکھتے ہیں

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
وہ آئیں* گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں
نظر لگے نہ کہیں اُس کے دست و بازو کو
یہ لوگ کیوں مرے زخمِ جگر کو دیکھتے ہیں
ترے جواہرِ طرفِ کُلہ کو کیا دیکھیں
ہم اوجِ طالعِ لعل و گہر کو دیکھتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*نسخۂ نظامی میں ’آۓ‘

Ye, hum jo hijr mein, deewar-o-der ko daikhte hain
Kabhi saba ko kabhi namah ber ko daikhte hain
Woh aaye gher mein hamari khuda ki qudrat hain!
Kabhi hum un ko kabhi apne gher ko daikhte hain
Nazar lage na kahin us ko dast-o-bazo ko
Ye log kiyon mere zakhme jiger ko daikhte hain
Tere jawaher terfe kulah ko kaya daikhein!
Hum auje tale lal-o-guher se daikhte hain