ذکر میرا بہ بدی بھی، اُسے منظور نہیں

ذکر میرا بہ بدی بھی، اُسے منظور نہیں
غیر کی بات بگڑ جائے تو کچھ دُور نہیں
وعدۂِ سیرِ گلستاں ہے، خوشا طالعِ شوق
مژدۂ قتل مقدّر ہے جو مذکور نہیں
شاہدِ ہستئ مطلق کی کمر ہے عالَم
لوگ کہتے ہیں کہ ’ ہے‘ پر ہمیںمنظور نہیں
قطرہ اپنا بھی حقیقت میں ہے دریا لیکن
ہم کو تقلیدِ تُنک ظرفئ منصور نہیں
حسرت! اے ذوقِ خرابی، کہ وہ طاقت نہ رہی
عشقِ پُر عربَدہ کی گوں تنِ رنجور نہیں
ظلم کر ظلم! اگر لطف دریغ آتا ہو
تُو تغافل میںکسی رنگ سے معذور نہیں
میں جو کہتا ہوں کہ ہم لیں گے قیامت میں تمھیں
کس رعونت سے وہ کہتے ہیں کہ “ ہم حور نہیں“
صاف دُردی کشِ پیمانۂ جم ہیں ہم لوگ
وائے! وہ بادہ کہ افشردۂ انگور نہیں
ہُوں ظہوری کے مقابل میں خفائی غالبؔ
میرے دعوے پہ یہ حجّت ہےکہ مشہور نہیں

Zikr mera, bah badi bhi use manzoor nahin
Ghair ki baat bigad jaye to kuch door nahin
Wadai saire gulistan hai khusha tale shauq
Mazdai qatl muqadder hai jo mazkoor nahin
Shahide hastiye mutlaq ki kamer hai aalam
Loog kaite hain ki hai, per hamein manzoor nahin
Qatrah apna bhi haqeeqat main hai dariya laikin
Hum ko taqleede tanak zerfiye mansoor nahin
Hasrat ai zauqe khrabi! Kih woh taqat na rahi
Ishq per arbdah ki gon tane rajoor nahin
Main jo kahta hon main longa qayamat mein tujhe
Kis raoonat se woh kahte hain ki hum hoor nahin
Zulm ker zulm, agr lutfe daregh aata hai
To taghaful mein kisi rung se mazoor nahin
Saaf durdi kashe paimanai jam main hum loog
Waai ! woh badai kih afshurdai angoor nahin
Hon zuhoori ke muqabil mein khafayee Ghalib
Mere dawe pe yeh hujjat hai kih mashhoor nahin