عشق تاثیر سے نومید نہیں

عشق تاثیر سے نومید نہیں
جاں سپاری شجرِ بید نہیں
سلطنت دست بَدَست آئی ہے
جامِ مے خاتمِ جمشید نہیں
ہے تجلی تری سامانِ وجود
ذرّہ بے پر توِ خورشید نہیں
رازِ معشوق نہ رسوا ہو جائے
ورنہ مر جانے میں کچھ بھید نہیں
گردشِ رنگِ طرب سے ڈر ہے
غمِ محرومئ جاوید نہیں
کہتے ہیں جیتے ہیں اُمّید پہ لوگ
ہم کو جینے کی بھی امّید نہیں



Ishe tseer se naumeed nahin
Jaan sapari shajrai baid nahin
Saltanat dast badast aayee hai
Jame mai khatime jamshaid nahin
Hai tajalli teri samane wajood
Zarrah be pertawe khursheed nahin
Raze mashook na ruswa ho jaai
Wernah mer jane mein kuch bhaid nahin
Gerdishe rung tarab se der hai
Ghame mahroomiae jawed nahin
Kahte hain jeete hain ummeed pe log
Hum ko jeene ki bhi ummeed nahin