رُخِ نگار سے ہے سوزِ جاودانیِ شمع

رُخِ نگار سے ہے سوزِ جاودانیِ شمع
ہوئی ہے آتشِ گُل آبِ زندگانیِ شمع
زبانِ اہلِ زباں میں ہے مرگِ خاموشی
یہ بات بزم میں روشن ہوئی زبانیِ شمع
کرے ہے صِرف بہ ایمائے شعلہ قصہ تمام
بہ طرزِ اہلِ فنا ہے فسانہ خوانیِ شمع
غم اُس کو حسرتِ پروانہ کا ہے اے شعلہ*
ترے لرزنے سے ظاہر ہے ناتوانیِ شمع
ترے خیال سے رُوح اہتــزاز کرتی ہے
بہ جلوہ ریـزئ باد و بہ پرفشانیِ شمع
نشاطِ داغِ غمِ عشق کی بہار نہ پُوچھ
شگفتگی ہے شہیدِ گُلِ خزانیِ شمع
جلے ہے ، دیکھ کے بالینِ یار پر مجھ کو
نہ کیوں ہو دل پہ مرے داغِ بدگمانیِ شمع


Rukhe nigar se hai soze jawedani shama
Huie hai atashe gul aabe zindgani shama
Zubane ahle zuban mein hai merg khmoshi
Ye baat bazam mein raushan huei zabani shama
Kare hai sirf bah iemaai sholai qissa tamam
Bah terse ahle fana hai fasana khuani shama
Gham uski hasrate perwanah ka hai ai shole!
Tere larazne se zahir hai natawani shama
Tere khayal se rooh ehtaraz kerti hai
Bah jalwah raizi bad-o-bah pur fishani shama
Nishate daaghe ghame ishq ki bahar na pooch
Shaguftagi hai shaheede gule khizani shama
Jale hai, daikh ke baleene yaar per mujh ko
Na kiyon ho dil pe mere daghe badgumani shama