مُژدہ ، اے ذَوقِ اسیری ! کہ نظر آتا ہے

مُژدہ ، اے ذَوقِ اسیری ! کہ نظر آتا ہے
دامِ خالی ، قفَسِ مُرغِ گِرفتار کے پاس
جگرِ تشنۂ آزار ، تسلی نہ ہوا
جُوئے خُوں ہم نے بہائی بُنِ ہر خار کے پاس
مُند گئیں کھولتے ہی کھولتے آنکھیں ہَے ہَے!
خُوب وقت آئے تم اِس عاشقِ بیمار کے پاس
مَیں بھی رُک رُک کے نہ مرتا ، جو زباں کے بدلے
دشنہ اِک تیز سا ہوتا مِرے غمخوار کے پاس
دَہَنِ شیر میں جا بیٹھیے ، لیکن اے دل
نہ کھڑے ہوجیے خُوبانِ دل آزار کے پاس
دیکھ کر تجھ کو ، چمن بسکہ نُمو کرتا ہے
خُود بخود پہنچے ہے گُل گوشۂ دستار کے پاس
مر گیا پھوڑ کے سر غالبؔ وحشی ، ہَے ہَے !
بیٹھنا اُس کا وہ ، آ کر ، تری دِیوار کے پاس

Masdah, ai zauqe aseeri! Ki nazar aata hai
Dame khali, qafase murghe giratar ke paas
Jigare tashnai azaad, tasalli na hua
Jooai khoon hum ne bahaie bune her khar ke paas
Mund gaien kholte hi aankhine hai hai !
Khub waqt aayie eis aashiqe bimar ke paas
Main bhi ruk ruk ke naa marta' jo zaban ke badle
Dushna ek tez sa hota mere ghamkhuwaar ke paas
Dahane sher mein jaa bathe lekin ayi dil !
Naa khade ho jaiye khubane dil aazar ke paas
Dekh kar tujhko chaman baske namu karta hai
Khud bkhud pahunchein hai gulgoshai dastar ke paas
Mar gaya phod ke sir ghalib wehshi hai hai !
Baithna uska who' aakar teri deewar ke paas