نہ گل نغمہ ہوں نہ پردۂ ساز

نہ گل نغمہ ہوں نہ پردۂ ساز
میں ہوں اپنی شکست کی آواز
تو اور آرائشِ خمِ کاکل
میں اور اندیشہ ہاۓ دور دراز
لاف تمکیں، فریبِ سادہ دلی
ہم ہیں، اور راز ہاۓ سینہ گداز
ہوں گرفتارِ الفتِ صیّاد
ورنہ باقی ہے طاقتِ پرواز
وہ بھی دن ہو، کہ اس ستم گر سے
ناز کھینچوں، بجاۓ حسرتِ ناز
نہیں دل میں مرے وہ قطرۂ خون
جس سے مذگاں ہوئی نہ ہو گلباز
اے ترا غمزہ یک قلم انگیز
اے ترا ظلم سر بسر انداز
تو ہوا جلوہ گر، مبارک ہو!
ریزشِ سجدۂ جبینِ نیاز
مجھ کو پوچھا تو کچھ غضب نہ ہوا
میں غریب اور تو غریب نواز
اسدؔ اللہ خاں تمام ہوا
اے دریغا وہ رندِ شاہد باز



Na gule naghmah hon na perdai saaz
Main hon apni shikast ki aawaaz
To, aur araishe khame kakul
Main aur andazhaai door-o-draaz
Laafe tamkeem : faraibe sadah dili
Hum hain, aur razhai seena gudaaz
Hon giraftare ulfate sayyad
Werna baqi hai taqate perwaaz
Woh bhi din ho ki us sitamger se
Nazz khinchon bajai hasarte naaz
Nahin dil mein mere woh qatrai khoon
Jis se masgan huyee ho gulbaz
Ai tera ghamzah ek qalam angaiz
Ai tera zulm, ser baser andaaz
To hua jalwah ger, mubarak ho
Raizishe sajdai jabeene neyaz
Mujh ko pooch to kuch ghazab na hua
Main ghareeb aur to ghareeb nawaaz
Sad-ul-laah khan tamam hua
Ai daraigha, woh rinde shahid baaz!