پھر مجھے دیدۂ تر یاد آیا
دل، جگر تشنۂ فریاد آیا
دم لیا تھا نہ قیامت نے ہنوز
پھر ترا وقتِ سفر یاد آیا
سادگی ہائے تمنا، یعنی
پھر وہ نیرنگِ نظر یاد آیا
عذرِ واماندگی، اے حسرتِ دل!
نالہ کرتا تھا، جگر یاد آیا
زندگی یوں بھی گزر ہی جاتی
کیوں ترا راہ گزر یاد آیا
کیا ہی رضواں سے لڑائی ہوگی
گھر ترا خلد میں گر یاد آیا
آہ وہ جرأتِ فریاد کہاں
دل سے تنگ آکے جگر یاد آیا
پھر تیرے کوچے کو جاتا ہے خیال
دلِ گم گشتہ، مگر، یاد آیا
کوئی ویرانی سی ویرانی ہے
دشت کو دیکھ کے گھر یاد آیا
میں نے مجنوں پہ لڑکپن میں اسدؔ
سنگ اٹھایا تھا کہ سر یاد آیا
Phir mujhe dedai ter yad aya
Dil jigar tashnai feryad aya
Dam liya tha na qayamat ne hunoz
Phir tera waqte safer yad aya
Sadgi haye tamanna, yanee
Phir woh nirunge nazar yad aya
uzro amadgi ai dil!
Nalah kareta tha jigar yad aya
Zindagi yon bhi guzar hi jati
Kiyon tera rahe guzar yad aya
Kaya hi rizwan se ladaee hogi
Ghar tera khuld mein gar yad aya
Aah woh jurate feryad kahan
Dil se tang ake jigar yad aya
Phir tere koche ko jata hai khayal
Dile gam gushtah magar yad aya
Koi werani si werani hai!
Dasht ko daikh ke gher yad aya
Main ne majnon pe ladakpan mein Asad!
Sung uthaya tha, kih ser yad aya
