وہ میری چینِ جبیں سے غمِ پنہاں سمجھا

وہ میری چینِ جبیں سے غمِ پنہاں سمجھا
رازِ مکتوب بہ بے ربطئِ عنواں سمجھا
یک الِف بیش نہیں صقیلِ آئینہ ہنوز
چاک کرتا ہوں میں جب سے کہ گریباں سمجھا
شرحِ اسبابِ گرفتارئِ خاطر مت پوچھ
اس قدر تنگ ہوا دل کہ میں زنداں سمجھا
بدگمانی نے نہ چاہا اسے سرگرمِ خرام
رخ پہ ہر قطرہ عرق دیدۂ حیراں سمجھا
عجزسے اپنے یہ جانا کہ وہ بد خو ہوگا
نبضِ خس سے تپشِ شعلۂ سوزاں سمجھا
سفرِ عشق میں کی ضعف نے راحت طلبی
ہر قدم سائے کو میں اپنے شبستان سمجھا
تھا گریزاں مژۂ یار سے دل تا دمِ مرگ
دفعِ پیکانِ قضا اِس قدر آساں سمجھا
دل دیا جان کے کیوں اس کو وفادار، اسدؔ
غلطی کی کہ جو کافر کو مسلماں سمجھا


Woh meri chaine jabeen se game pinhan samjha
Raze maktob bah be rabti unwan samjha
Yak ulfat baish nahin saiqale aiena hunoz
Chak karta hon, main jab se gariban samjha
Sherhe asbabe giraftari khtir mat pooch
Is qadar tang hua dil ki main zindansamjha
Badgumani ne chaha use ser germe khram
Rukh oe her qatrah araq dedai hairan samjha
Ajz se apne ye jana ki woh bad kho hoga
Nabze khas se tapishe shola sozan samjha
Safre ishq mein ki zof ne rahat talabi
Her qadam saie komain apne shabistan samjha
Tha gurezan masrai ya rse dil ta dame maerg
Dafye paikane fiza is qadar asan samjha
Dil diya jan ke kiyon us ko wafadar asad!
Galti ki kih jo kafir ko musalman samjha