پۓ نذرِ کرم تحفہ ہے ‘شرمِ نا رسائی’ کا

پۓ نذرِ کرم تحفہ ہے ‘شرمِ نا رسائی’ کا
بہ خوں غلطیدۂ صد رنگ، دعویٰ پارسائی کا
نہ ہو’ حسنِ تماشا دوست’ رسوا بے وفائی کا
بہ مہرِ صد نظر ثابت ہے دعویٰ پارسائی کا
زکاتِ حسن دے، اے جلوۂ بینش، کہ مہر آسا
چراغِ خانۂ درویش ہو کاسہ گدائی کا
نہ مارا جان کر بے جرم، غافل!* تیری گردن پر
رہا مانند خونِ بے گنہ حق آشنائی کا
تمنائے زباں محوِ سپاسِ بے زبانی ہے
مٹا جس سے تقاضا شکوۂ بے دست و پائی کا
وہی اک بات ہے جو یاں نفَس واں نکہتِ گل ہے
چمن کا جلوہ باعث ہے مری رنگیں نوائی کا
دہانِ ہر” بتِ پیغارہ جُو”، زنجیرِ رسوائی
عدم تک بے وفا چرچا ہے تیری بے وفائی کا
نہ دے نامے کو اتنا طول غالبؔ، مختصر لکھ دے
کہ حسرت سنج ہوں عرضِ ستم ہائے جدائی کا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*نسخۂ حمیدیہ، نظامی، حسرت اور مہر کے نسخوں میں لفظ ’قاتل‘ ہے

Pai nazrr karam tohfa hai sharme narsaie ka
Bakhon galteedai sad rung dawa parsaie ka
Na ho husne tamasha dost ruswa be wafaie ka
Bah mohre sad nazar sabit hai dawa parsaie ka
Zkate husn de ai jalwai benash !ki moher aasa
Chirage khanai darwesh ho, kasah khudaie ka
Na mara jan kar be jurm, gafil; teri gardan par
Raha maninde khoone be gunah, haq ashnaie ka
Tamannaye zaban mahwe sapase be zabani hai
Mita jis ne taqaza shikwai be dast-o- paie ka
Wahi ek bat jo yan nafs, nikhate gul hai
Chman ka jalwah, baies hai meri rungin nwaie ka
Dahane her but paigarah jo zanjeer ruswaie
Adam tak bewafa! Charcha hai teri bai wafaie ka
Na de namein ko etna tool, Ghalib!mukhtasar likh de
Ki hasrat sanj hon, arze sitam haie judaie ka