موٹاپے سے نجات کا موسم آ گیا...!

http://dunya.com.pk/news/special_fea...GcGxSRk-zL.jpg

زرتاشیہ میر
کیا آپ اپنے بڑھتے ہوئے جسمانی وزن سے پریشان ہیں ؟ تو اس سرد موسم میں کچھ دیر بغیر گرم ملبوسات کے گھومنے کو عادت بنالیں۔یہ دعویٰ ایک نئی طبی تحقیق میں سامنے آیا ہے۔سوئٹزرلینڈ میں ہونے والی تحقیق کے مطابق ورزش یا سرد موسم میں گھومنے سے جسم کے لیے بہترین چربی بڑھاتی ہے جو کیلوریز کو جلانے کا کام کرتی ہے۔ تحقیق میں بتایا گیا ہے کہ سرد موسم کا سامنا کرنے سے معدے میں موجود بیکٹیریا کے اجتماع میں ڈرامائی تبدیلی آتی ہے اور اس سے چربی گھلنے لگتی ہے، گلوکوز میٹابولزم بہترین ہوتا ہے جبکہ جسمانی وزن میں کمی آتی ہے۔محققین کا کہنا ہے کہ اس دریافت سے موٹاپے کے شکار افراد کے وزن میں کمی لانے کے لیے نئے طریقہ کار کو تشکیل دینے میں مدد ملے گی۔جنیوا یونیورسٹی کی تحقیق کے بقول اردگرد کا ماحول معدے میں موجود بیکٹیریا پر اثرانداز ہوکر توانائی کے توازن کو کنٹرول کرنے کے نظام کو کنٹرول کرتا ہے۔ محققین کے مطابق تحقیق کے نتائج حوصلہ افزاء ہیں اور اس سے موٹاپے کی روک تھام کے لیے طریقہ کار تشکیل دینے میں مدد ملے گی۔اس تحقیق کے دوران چوہے پر 6 سینٹی گریڈ درجہ حرارت پر دس دن تک تجربات کیے گئے جس سے معلوم ہوا کہ اس کے معدے کے بیکٹیریا میں ایسی تبدیلی آئی، جو وزن میں اضافے کی روک تھام کا کام کررہی ہے۔یہ تحقیق طبی جریدے ’’سیل ‘‘میں شائع ہوئی ہے۔