dil kii aawaaz se aawaaz milaa dii hamne
dil kii aawaaz se aawaaz milaa dii hamne
dastaaN gham kii zamaane ko sunaa dii hamne
yak-b-yak chauNk uThe niiNd se sone wale
jab zaraa paaoN kii zaNjeer hilaa dii hamne
ek terii pahalii nazar rooh meN paibast rahii
aur har baat zamaane kii bhulaa dii hamne
jaam ne jab bhii kabhii hamse izaajat chahii
har taraf pyaas kii diivaar uThaa dii hamne
ab to har bhes meN lagtee hai ye uriyaaN-uriyaaN
apnii tahziib kii kyaa shakl banaa dii hamne
ham the gumraah, hameN apnii to manzil na milii
raah auroN ne jo puchhii to bataa dii hamne
ab javanii jo ga_ii beet to maHsoos huaa
ajnabii shahar meN ek raat bitaa dii hamne
ai Gham-e-yaar kahiiN aur Thikanaa kar le
dil kii bastii meN to ab aag lagaa dii hamne
kaun aayegaa yahaaN shamaa kii soorat jalne
anjuman qalb-o-jigar kii to sajaa dii hamne
jab na ''Seemaab'' milaa hamko kahiiN raNg-e-vafaa
jo bhee tasveer banaaii thee, miTaa dii hamne
''Seemab'' Sultanpuri
Re: dil kii aawaaz se aawaaz milaa dii hamne
Re: dil kii aawaaz se aawaaz milaa dii hamne
