شہر بھر میں سب سے اونچا گھر بنانے کے لیے
http://mobopk.com/images/006xar7t.gif
شہر بھر میں سب سے اونچا گھر بنانے کے لیے
بجلیاں چنتے رہے ہم آشیانے کے لیے
دست و پا شل ہوں تو ساحل دور کیا نزدیک کیا
ایک قطرہ ہی بہت ہے ڈوب جانے کے لیے
کوئی آنسو،کوئی شعلہ ،کوئی تارہ کوئی پھول
کوئی تو سوغات دے جاؤ زمانے کے لیے
کتنی شمعیں بجھ گئیں کتنے ستارے سو گئے
اک کرن کا جشن بیداری منانے کے لیے
میرا چہرہ دیکھنے والوں کو کیا معلوم ہے
کتنےآنسو پی گیا ہوں مسکرانے کے لیے
حیف ان پھولوں پہ جن کے رنگ ہو جاتے ہیں قتل
کچھ گھروں کی چند دیواریں سجانے کے لیے
http://mobopk.com/images/006xar7t.gif