ٹماٹر پھل ہے یا سبزی؟ ( عدالت کا دلچسپ فیصلہ)

http://dunya.com.pk/news/special_fea..._XM8h7wIZZ.jpg

مہ جبین ملک
اگر آپ کا شمار ان لوگوں میں ہوتا ہے، جو ٹماٹر کو پھل خیال کرتے ہیں ،تو آج شاید آپ کو یہ جان کر حیرت ہوگی کہ ٹماٹر پھل نہیں ہے بلکہ سبزی ہے ،جسے ایک مقدمے کے نتیجے میں امریکی عدالت نے پھل کے زمرے سے نکال کر سبزی قرار دے دیا تھا۔ انیسویں صدی میں امریکی سپریم کورٹ کو ایک مضحکہ خیز سوال کا سامنا کرنا پڑا کہ ٹماٹر پھل ہے یا سبزی؟ اس وقت نیویارک بندرگاہ اتھارٹی ٹماٹر کی درجہ بندی سبزی کی حیثیت سے کرتی تھی، جس کی درآمد پر دس فیصد امپورٹ ٹیکس وصول کیا جاتا تھا۔اس زمانے میں پھلوں کی درآمدات کا کاروبار کرنے والے نکس خاندان کے تاجروں نے امریکی ٹیرف ایکٹ 1883ء کے تحت، کلیکٹرآف نیویارک پورٹ ایڈورڈ ہیڈن کیخلاف ایک مقدمہ درج کروایا اور عدالت سے استفسار کیا کہ درآمد شدہ سبزیوں پر ٹیکس ادا کیا جاتا ہے، لیکن پھل چونکہ ٹیکس سے مستثنیٰ ہیں، لہٰذا کلیکٹر سے ان کی ادا شدہ رقم واپس دلوائی جائے۔ امریکی عدالت نے 1893ء میں اس مقدمے کا فیصلہ سناتے ہوئے ٹماٹر کو قانونی طور پر سبزی کے زمرے میں شامل کر دیا۔ سپریم کورٹ نے سائنس اور روزمرہ زندگی کے درمیان امتیاز کرتے ہوئے یہ موقف اپنایا کہ ٹماٹر ایک سبزی ہے کیونکہ لوگ اسے سبزی ہی خیال کرتے ہیں۔نباتاتی تعریف کے اعتبار سے پودے کے پھول سے پیدا ہونے والا نرم گودا جو اسی پودے کا بیج رکھتا ہو اسے پودے کا پھل کہا جاتا ہے اور تکنیکی اعتبار سے ٹماٹر اس تعریف پر پورا اترتا ہے۔اس دلچسپ مقدمے کی سماعت کے لیے دونوں فریقین کی جانب سے دلائل مختصر اور سادہ تھے۔مدعا علیہ نے ٹماٹر کو پھل ثابت کرنے کے لیے ویبسٹر لغت کاسہارا لیتے ہوئے مٹر، بیگن، کھیرا اور سیم کی تعریف پڑھ کر سنائی جو تکنیکی تعریف کے لحاظ سے پھل کے زمرے میں شامل ہیں۔دوسری جانب سے دلائل پیش کرنے کے لیے وارکیسٹر لغت کا استعمال کیا گیا، جس میں سے آلو، شلجم، پھول گوبھی، گاجر کی تکنیکی تعریف پڑھ کر سنائی گئی، جو اسے legume (پھلیاں) ظاہر کرتی ہے، لیکن روز مرہ کے معمولات میں ہم انھیں سبزی کے طور پر استعمال کرتے ہیں۔ عدالت نے مقدمے کا فیصلہ سناتے ہوئے کہا کہ سائنسی درجہ بندی سے عام فہم زبان تبدیل نہیں ہوتی۔ اگرچہ تکنیکی تعریف کے لحاظ سے ٹماٹر ایک پھل ہے ،لیکن روز مرہ کی زندگی میں اسے سبزی کے طور پر استعمال کیا جاتا ہے جسے عام طور پرکھانے کے ساتھ پیش کیا جاتا ہے اور ایک سویٹ ڈش کے طور پر نہیں کھایا جاتا۔لہٰذا کسٹم قوانین کے تحت عدالت نے فیصلہ صادر کرتے ہوئے کہا کہ آج سے ٹماٹر کو سبزیوں کے زمرے میں شمار کیا جائے گا اور درآمدی ٹیرف کی ادائیگی جاری رکھی جائے گی۔ ٭…٭…٭

Bht umda info

Quote:

---

Originally Posted by Admin

Bht umda info

---

http://www.mobopk.com/images/hanks4commentsvev.gif

Nice Sharing
Thanks For Sharing

Quote:

---

Originally Posted by UmerAmer

Nice Sharing
Thanks For Sharing

---

http://www.mobopk.com/images/pasandbohatbohatvyv.gif