kisi ne aik din samandar se sawal kia k tu khud ko zindagi ki ronaqon se
door kar k dead sea ki tarha akaila kion hai..kia tujhe apni taqat ziada
hone ka gumaan hai.
Sindhi language ka aik shair hay
LEHRAN JE BOLI KINARA EE SAMJHAN
KINARAN JE BOLI DIL WARA EE SAMJHAN
Iss ka matlab hay k lehroon ke zaban sahil samjhta hay aur sahil ke zuban
dil walay he samjh saktay hain
samandar ko dunia se door samjha jata hai,aur taqat war samajh k us ko is
soch ka malik samjha jata hai k us ko koi hila nahi sakta.
SAMANDAR KA JAAWAAB
kis ne kaha k samandar ko kisi ki zaroorat nahi samandar akaila hai..par
samandar ki pyas toh sari dunia bhi us main doob jaye toh poori na kar
paye..par doobne k liye himmat chahiye,samandar ko yeh bhi toh pata hai k
samandar ko jab chand dewana banata he toh is ki deewangi zamane ko apni
taraf kheenchti hai.kia khoob dewaangi ka silsila chal parta hai.yeh kia
kam khiraaj hai joh zamana samandar ko us ki dewaangi pe paish karta
hai,phir samandar akaila kaise kehlaye ga,samandar ko akaila jaan k us ko
paane ki khuahish rakhne wale yeh nahi jante ke samanadar ke liye is se
bari aur kia baat ke us ko paane ke liye us main koi doobna chahe,par
doobne ki yeh kashish samandar ko bhi dukh degi aur doobne wale ko bhi.
kabhi koi kisi ko paa ke us ko kho de yeh dard samandar se ziada koun
jane,kion ke joh dooba woh doobta hi gaya,apni gehraai mian samandar ko
khud us ki khoj nahi milti,bara asaan hai yeh kehna ke samandar ki gehraai
paa lo par sehna bara mushkil,yeh seher he samandar ka joh taa qiamat us
ke chahane walon pe qaaim rahe ga,par samandar aur kinara dono sirf takra
sakte hain,kabhi mill gaye toh dunia fana ho jaye gi kion ke dunia ka
ziada hissa samandar ke baazooun ke ghere main hai.chahe toh dunia ko
samait le.chahe tho fana ho jaye,har haal main sahara kinaare ko hi
chahiye,kion ke joh dooba woh phir na sambhla,bas yeh soch ke samandar
khamosh hai,kitni maslehat hai samandar ki soch main ke na khud bikhre aur
na kisi ko samaite.
kitna bara dil hai samandar ka jis ne apne seene main jazeeron aur sheher
abaad kiye hue hain un ko abaad rakhe hue hai,samandar ko kabhi yeh bat
garoor k darjon pe nahi le gai k woh apni taqat se dunia ko jeet sakta hai
sunami laa sakta hai.us ko toh khof hai Khuda ka woh toh khud Khuda ki
pahaan mangta hai kio k na woh geneious hai na hi magroor ..pata nahi us k
chahane wale us se dar kion jate hain.halaanke chahate hain us ko phir bhi
garq hone ka dar liye jeete hain.yeh sitam zareefi hai na samandar k
chahane walon ki k woh samandar pe apni chahat ka aik qatra bhi nahi
tapkaate.samandar ko zuban mile toh kia kia ne bayan mile.par yeh khamoshi
apne seene main bare toofaan chupaye hue hai.
