Originally Posted by
Dr Maqsood Hasni
نوٹ۔
چوں کہ بابے ہوراں دا کلام' دوجے ہتھاں نال لکھیا گیا اے' ایس پاروں' لفظ ایدھر اودھر ہو گیے نے۔ دوجا لکھے نوں وی تاں چالی ورے ہو گیے نے' دفتر رل دا خل دا بڑی مشکلاں نال' میرے ہتھیں لگا اے۔ ایدی حالت ویکھ کے' رون آندا پیا اے۔ ایدے تے ابا جی دی نشانی کہہ کے' قبضہ کر لیا گیا سی۔ پہانڈے ٹہنیڈے تے مکان' جائے جہنم وچ' میں کیہ کرناں سی۔ پڑھے لکھے جاہل پہن بھرا' الله کرے کسے ویری دشمن دے وی نہ ہون۔ پڑھن دا فائدہ کی' جے اکھر ای رل جان تے بزت ہون۔
بنام صفدر شاہ
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
میرے درداں دا دارو ایں تینوں ویکھ دکھ نس جاندے نے
جدوں آ کے جھپیاں پانا ایں بند بند میرے پئے ہسدے نے
جھرمٹ خوشیاں نے آ پایا اے غمی سو سو کو پئی نسدی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
بڑا پڑھن لکھن دا قابل جے مینوں پڑھ مضمون سناندا اے
کر کر معنی انگریزی دے میرے دل نوں سرور پیا آندا اے
معیار گھٹ نئیں بی اے ایم اے توں میری عقل ایہو گل کہندی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
دن رات کتاباں پھرولنا ایں کیتے پھریں نہ یار آوارہ توں
تیری عادت کوئی نئیں بدلی اے اجے لگنا ایں یار کوارا توں
تینوں پہاگ مولا نیں لانا ایں بیٹھی نصرت دعائیں دیندی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
کر لئے سجناں موج بہاراں توں ماپے سدا نہ سر تے رہندے نے
جدوں ماپے راہی ہو جاندے فر پہار سراں تے پیندے نے
ایہہ موجاں پھر نہ لبھن گئیاں ہر دکھ جندڑی پئی سہندی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
تیرا ماں پیو دعائیں دیندا اے سوہنا مولا کرم کماوے گا
سوہنے پرو کے ہار پھلاں دے سارا جگت تیرے گل پاوے گا
تیرا ناں روشن ہووے گا ساری خلقت تیرا ناں جپیندی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
غلام حضور شاہ دا صفدر نال پیار ہویا میں کد تیک پیار نبھاواں گا
سبھ پیار محبتاں دور ہوون جد قبراں دے ول جاواں گا
میں یاد آواں گا تینوں جدوں لوڑ میری تینوں پیندی اے
جدوں ویکھ لواں میں صفدر نوں میرے ٹھنڈ کلیجے پیندی اے
جدوں نظراں چک کے ویکھاں میں مینوں یوسف شکل دسیندی اے
غلام حضور شاہ
22 مارچ 1975
