موسمِ گرما کی حدت سے بچاؤممکن

http://dunya.com.pk/news/special_fea...4_hB-BKtMu.jpg

وموسمِ گرما کی حدت سے بچاؤممکن

گرمیوں میں چہرے کی جلد کی شادابی برقرار رکھنے کے لیے کچھ زیادہ مشقت نہیں کرنا پڑتی، کچھ عادات کو اپنی زندگی کا مستقل حصہ بنا کر ہم اپنے مطلوبہ نتائج حاصل کر سکتے ہیں۔ زمانۂ قدیم سے مشرق(برِصغیر) میں دھوپ کی تمازت، الٹراوائلٹ شعاعوں سے بچنے کے لیے گھریلو نسخوں کا استعمال کیا جاتا ہے۔ چند آزمودہ نسخے زیرِنظر سطور میں دیے جا رہے ہیں۔ ان گھریلو نسخوں کے استعمال سے ہم اپنی چہرے کی جِلد اور جسم کے ایسے حصے جو سورج کی براہِ راست شعاعوں کا شکار ہو تے ہیں‘ انہیں دھوپ کے منفی اثرات سے بچا سکتے ہیں۔ روزانہ اوسطاً 10 سے 12 گلاس پانی پینے کی عادت ڈالنی چاہیے۔ پانی پینے کی مقدار کے حوالے سے پوری دنیا میں عموماً ایک کلیہ استعمال کیا جاتا ہے۔ اس میں انسان کو اوسطاً اپنے وزن سے نصف کے برابر، اونس کی مقدار میں پانی پینا چاہیے۔ دھوپ میں نکلنے سے قبل اور بوقتِ ضرورت عرقِ گلاب کو چہرے پر چھڑک لیں۔ یہ قدرتی آکسیڈینٹ کا کام کرتا ہے اور چہرے کا پانی ختم ہونے سے بچاتا ہے۔ خواتین بیگ میں اور مرد حضرات اپنے دفتر کی میز میں عرقِ گلاب شاور رکھ سکتے ہیں۔ یہ اب بہ آسانی مارکیٹ میں دستیاب ہے۔ عرقِ گلاب کو قدرتی سن بلاک بھی کہا جاتا ہے۔ گرمیوں میں کھیرے، تربوز، خربوزہ اور ایسے تمام پھل جو قدرتی پانی رکھتے ہیں ان کا استعمال بڑھا دیں۔ یہ بھی قدرتی آکسیڈینٹ کا کام کرتے ہیں، ان میں پائے جانے والے قدرتی عناصر چہرے کی جلد کو تر و تازہ رکھنے میں مدد دیتے ہیں۔ پھلوں کے جوس پینے کی بجائے ان کو کھانے کا فائدہ زیادہ ہے۔ سبز پتوں کی کچی سبزیوں، سلاد وغیرہ کو کھانے کے معمول میں شامل کریں۔ کیِنو، سنگترہ، مالٹا، لیموں، چکوترہ، خربوزہ ان سب کے یا ان میں سے کسی ایک کے چھلکے خشک کر کے پیس لیں اور گرمیوں میں چہرہ دھونے کے لیے استعمال کریں۔ یہ چھلکے سفوف کی حالت تک نہیں پیسے جا سکتے اس لیے اسکرب کے طور پر جلد کی ایکسفولیشن کرنے میں بہترین مددگار ثابت ہوتے ہیں۔ یہ اسکن برن کی صورت میں چہرے کے مردہ خلیوں کو صاف کر کے چہرے کا رنگ بھی نکھار دیتے ہیں۔(آپ اسکن کے اعتبار سے ہلدی بھی اسکرب میں شامل کر کے اسے قدرتی اْبٹن کے طور پر استعمال کرسکتے ہیں۔) اسکن برن کو ختم کرنے کے لیے اپنا معمو ل بنائیں کہ دھوپ میں سفر کرنے کے بعد گھر آ کر ٹھنڈے پانی سے منہ صاف کریں اور برف سے چہرے کا مساج کریں۔ اس کے لیے برف کی ٹکڑیاں یا اس کو باریک کوٹ کر ململ کے کپڑے میں باندھ کر چہرے پر ملیں۔ یہ عمل جتنی بار ممکن ہو دہرائیں۔ دھوپ کی تمازت سے خراب رنگ اپنی اصلی حالت میں واپس آجائے گا۔ پپیتا بھی دھوپ سے جلی اسکن یا رنگت نکھارنے کے کام آتا ہے، اسکے بیج خشک کرکے کھانے، یا پھل کھانے سے رنگت صاف، تروتازہ اور جلد چمک دار ہوتی ہے۔ ٹماٹر کے قتلے یا ٹماٹر کا جوس چہرے پر ملنے سے اسکن برن کے اثرات مکمل طور پر ختم ہو جاتے ہیں بلکہ باقاعدگی سے استعمال کرنے سے جلد کی رنگت بھی نکھرتی ہے۔ جس طرح سردیوں میں گاجر کا جوس ہماری جلد کی شادابی اور نکھار کے لیے اہم ہوتا ہے ایسے ہی گرمیوں میں ٹماٹر کا جوس فائدہ مند ہوتا ہے۔ ٹماٹر کا جوس بنانے کے لیے ٹماٹر، لیموں اور کرش برف کو بلینڈ کر لیں، اس میں حسبِ ذائقہ چینی، کالی مرچ اور نمک ڈالا جا سکتا ہے۔ (گردے کے مریض یا دیگر مریض اپنے ڈاکٹر سے مشورہ کر کے اسے استعمال کر سکتے ہیں۔) اپنی خوراک میں وٹامن اے بی سی ڈی اور ای کو ضرور شامل کریں تاکہ چہرے کی جلد کی حفاظت ممکن ہو سکے۔ خاص طور پر وٹامن اے ہماری جلد کو جھریوں اور بڑھاپے کے اثرات سے بچاتا ہے۔گرمیوں میں باقاعدگی سے سوئمنگ کو ترک کر دینا چاہیے کیونکہ دھوپ کی تمازت کی وجہ سے جلد کی ڈی ہائیڈریشن ہو رہی ہوتی ہے اور ایسے میں پانی کے تالاب میں زیادہ وقت گذارنے سے جلد بہت زیادہ خشکی کا شکار ہو سکتی ہے۔ لیکن کچھ لوگ گرمیوں میں سوئمنگ کے بغیر زندہ نہیں رہ سکتے، ان کوچاہیے کہ وہ سوئمنگ پول میں اترنے سے قبل موئسچرائزر (جس میں آکسیڈینٹس زیادہ ہوں) کی موٹی تہہ سے اپنی جلد کو چھْپا لیں۔دھوپ میں نکلتے وقت چہرے کو ٹوپی، چھتری یا کپڑے سے ڈھانپ لیں۔ اس سے چہرہ براہِ راست سورج کی شعاعوں کا شکار نہیں ہوگا۔ کوشش کریں کہ گرمیوں میں دھوپ سے بچنے کے لیے ہلکے رنگوں کے کپڑوں کا انتخاب کریں۔ ہو سکے تو اپنی جلد کے لحاظ سے موئسچرائزر یا سن بلاک کا استعمال کریں، یا قدرتی سن بلاک عرقِ گلاب کا استعمال اپنا معمول بنا لیں ۔ ٭…٭…٭

Shukriyaaa Sharing K Lye Bhai

Thanks for great sharing

Quote:

---

Originally Posted by Nimra Rashid

Shukriyaaa Sharing K Lye Bhai

---

Quote:

---

Originally Posted by Rania

Thanks for great sharing

---

http://www.mobopk.com/images/pasandkarnekabohatbo.png