گرمیوں کو زحمت نہیں رحمت بنائیے

http://dunya.com.pk/news/special_fea...oT89ShMefU.jpg

عامر صادق
جیسا کہ سب جانتے ہیں گرمیوں کاموسم شروع ہے اور گرمی بھی پڑ رہی ہے ۔ زیادہ گرمی میں کچھ کھانے کا تو دل کرتا نہیں البتہ پینے کی طلب زیادہ سے زیادہ ہوتی ہے۔ پانی زیادہ پینے کی وجہ سے کھانا کھانے کو بھی دل نہیں کرتا اور طبیعت بھاری رہتی ہے۔اس لئے گرمیوں میں ایسی غذاکا استعمال کرنا چاہیے۔ جوکہ با لکل ہلکی پھلکی اور جلد ہضم ہونے والی ہو۔ گرمیوں میں زیادہ سے زیادہ پھل اور سبزیوں کا استعمال کریں۔ کیونکہ سبزیوں کا زیادہ استعمال جسم میں ٹھنڈک پیدا کرتاہے۔ جبکہ گوشت کی تاثیر گرم ہونے کی وجہ سے گرمی کا احساس ہوتاہے۔ لیکن اگر گوشت کو سبزی میں ملا کر پکا لیا جائے تو تاثیر بدل جاتی ہے۔گرمیوں میں جسم کو ٹھنڈک کی ضرورت ہوتی ہے۔ اس لئے گرمی میں پھلوں کا زیادہ سے زیادہ استعمال کریں۔ چونکہ جسم کو ٹھنڈک کی ضرورت ہوتی ہے اس لئے پھل بہترین غذاہے۔ گرمیوں میں انگور، آم ، کیلا انار وغیرہ گرمی کے منفی اثرات سے بچاتے ہیں۔ اور جسم کو صحت مند بھی رکھتے ہیں۔ پھلوں کے علاوہ انکا جوس بھی صحت کے لئے بہت مفیدہے۔گرمیوں میں فرحت و تازگی حا صل کرنے کے لئے رنگ برنگ کے مشروبات استعمال کئے جاتے ہیں۔ لیکن اگر یہ جوس ہم گھروں میں نکال کر تازہ استعمال کریں تو صحت کے ساتھ مزہ بھی دوبالاہو جاتاہے۔ صبح صبح دہی کی لسی بھی گرمی میں فرحت کا احساس بخشتی ہے۔ ہر پھل کا جوس استعمال کریں۔ ہر ایک کی الگ الگ غذائیت اور فوائد ہیں۔ انار، فالسہ اور لیموں کے جوسز وغیرہ زیادہ استعمال کریں۔گنے کا رس بہت مفید ہے ۔ کیونکہ یہ تازہ ملتاہے اور ہر طرح کے کیمیکل سے بھی پاک ہوتاہے۔ اسے پینے سے فوراً جسم میں طاقت آتی ہے۔ سب سے بڑھ کر یہ سستا بھی ہوتاہے۔ان سب چیزوں سے ہٹ کرگرمیوں میں صحت وتندرستی بحال رکھنے کے لئے صبح سویرے گھاس پر چہل قدمی بھی کرنی چاہیے۔ اس سے جسم میں گرمی کے خلاف قوت مدافعت پیداہوتی ہے۔ اس طرح پیاس بھی کم محسو س ہوتی ہے۔گرمیوں میں چائے اور کافی کا استعمال ترک کر دیں کیونکہ یہ صحت کے لئے نقصان دہ ہے۔ اس سے نظام ہضم بھی متاثرہوتاہے۔ مرغن اور زیادہ چکنائی والے کھانے بھی گرمیوں میں صحت کو متاثر کرتے ہیں۔ان تمام باتوں پر عمل پیراہوکر اپنی گرمیوں کو زحمت نہیں رحمت بنائیں اور گرمی کے موسم میں بھی تازہ دم رہیں۔ کھانے کے ساتھ سلاد کا استعمال بڑھا دیں جس میں بھر پور توانائی موجود ہوتی ہے۔ ہے جب کہ سلاد میں ایک بڑی خوبی یہ ہے کہ یہ آپ کو کافی دیر تک تھکاوٹ اور تھکان سے بچاتا ہے اور جسم کو توانا اور سرگرم رکھتا ہے۔

Acha Jee

Bohat Achi Sharing

khush rahen

Quote:

---

Originally Posted by Nimra Rashid

Acha Jee

---

Quote:

---

Originally Posted by Black_Pearl

Bohat Achi Sharing

khush rahen

---

http://www.mobopk.com/images/pasandkarnekabohatbo.png