زرداری اور الطاف حسین میں رابطہ، الیکشن م®

زرداری اور الطاف حسین میں رابطہ، الیکشن میں کامیابی پر مبارکباد

http://dunya.com.pk/news/2015/April/...ZlxSoPNkKM.jpg
کراچی:سابق صدر آصف علی زرداری گورنر سندھ ڈاکٹر عشرت العباد سے ملاقات کررہے ہیں ضمنی الیکشن میں ایم کیو ایم کی کامیابی مخالفین کے الزامات کا بھرپور جواب ہے ، زرداری سابق صدر کی گورنر سندھ عشرت العباد سے بھی ملاقات ، ملکی سیاسی صورتحال پر گفتگو اسلام آباد ، کراچی(نمائندہ دنیا، اسٹاف رپورٹر) متحدہ قومی موومنٹ کے قائد الطاف حسین اور پیپلزپارٹی کے شریک چیئرمین آصف علی زرداری کے درمیان ٹیلی فون پر رابطہ ہوا ۔ آصف علی زرداری نے الطاف حسین کو قومی اسمبلی کے حلقہ این اے 246 کے ضمنی الیکشن میں ایم کیوایم کی شاندار کامیابی پر دلی مبارکباد پیش کی ۔آصف علی زرداری نے کہاکہ ضمنی الیکشن میں ایم کیوایم کی شاندار کامیابی اس کے مخالفین کے الزامات کا بھرپورجواب ہے ۔ الطاف حسین نے آصف علی زرداری کا شکریہ ادا کرتے ہوئے ضمنی الیکشن میں ایم کیوایم کی شاندار کامیابی کو ملک بھرکے مظلوم عوام کی کامیابی قرار دیا ۔دونوں رہنماؤں کے درمیان ملک کی مجموعی سیاسی صورتحال پر بھی تبادلہ خیال ہوا۔علاوہ ازیں سابق صدر آصف علی زرداری نے گورنر سندھ عشرت العباد سے ملاقات کی ۔ گورنرہاؤس میں ہونے والی ملاقات میں صوبے اور ملک کی مجموعی سیاسی صورتحال پر بات کی گئی۔