کسی کے لَمس سے پہلے بدن غبار کیا
کسی کے لَمس سے پہلے بدن غبار کیا
پھر اس کے بعد جنوں کی ندی کو پار کیا
انہیں بگاڑ دیا جو صفوں کے ربط میں تھیں
جو چیزیں بکھری ہوئی تھیں انہیں قطار کیا
بنی تھیں پردۂ جاں پر ہزارہا شکلیں
خبر نہیں کسے چھوڑا، کسے شمار کیا
اندھیری شب میں تغیّر پذیر تھی ہر شے
بس ایک جسم ہی تھا جس پہ انحصار کیا
مرے مکانِ جسد پہ مری حکومت تھی
کہ خود ہی غلبہ کیا خود ہی واگذار کیا
وجودِ خاک تھا، دریا سے جنگ کی میں نے
کہ سطحِ آب کو میدانِ کارزار کیا
کشش نے کھینچ لیا تھا زمین پر مجھ کو
سو گِرتے گِرتے بھی میں نے خلا شکار کیا
رفیقؔ سندیلوی
Re: کسی کے لَمس سے پہلے بدن غبار کیا
Re: کسی کے لَمس سے پہلے بدن غبار کیا
Re: کسی کے لَمس سے پہلے بدن غبار کیا
Nice Sharing
Thanks FOr Sharing
Re: کسی کے لَمس سے پہلے بدن غبار کیا
