اچھی لڑکیاں اللہ تعالٰی کی بات مانتی ہیں۔ وہ ہر جگہ نہیں چلی جاتیں‘ وہ ہر کسی سے نہیں مل لیتیں‘ وہ ہر بات نہیں کر لیتیں۔”
اس نے پرس میز پہ الٹ کر جھاڑا۔
“تو پھر میں بری لڑکی ہوں؟” بہارے پل بھر میں رونکھی ہو گئی۔
“نہیں…. کوئی لڑکی بری نہیں ہوتی۔ بس اس سے کبھی کبھی کچھ ایسا ہو جاتا ہے‘ جو برا ہوتا ہے‘ جس پہ اللہ اس سے ناراض ہو جاتا ہے۔”
“جب وہ ناراض ہوتا ہے تو وہ انسان کو اکیلا چھوڑ دیتا ہے اور جانتی ہو کہ اکیلا چھوڑنا کیا ہوتا ہے؟ جب بندہ دعا کرتا ہے تو وہ قبول نہیں ہوتی۔ وہ مدد مانگتا ہے تو مدد نہیں آتی۔ وہ راستہ تلاشتا ہے تو راستہ نہیں ملتا۔”
اقتباس: نمرہ احمد کے ناول “جنّت کے پتے” سے
