تاریخی عمارت تاج محل

http://dailypakistan.com.pk/digital_...44623-3757.jpg

آگرہ (نیوز ڈیسک) سفید سنگ مرمر سے بنائی گئی تاریخی عمارت تاج محل فن تعمیر کی تاریخ میں اپنی مثال نہیں رکھتی اور اس کی خوبصورتی دنیا بھر میں شہرت رکھتی ہے لیکن بدقسمتی سے یہ دودھ جیسی سفید عمارت اب خاکستری اور بھورے رنگ میں لپٹتی جارہی ہے اور اس کا منفرد حسن گہنا رہا ہے۔

امریکی یونیورسٹی جارجیا انسٹی ٹیوٹ آف ٹیکنالوجی کے سائنسدان پروفیسر مائیک برجن نے جب مزدوروں کو تاج محل کے گنبدوں پر چکنی مٹی کی تہہ لگاتے دیکھا تو بہت حیران ہوئے اور معلوم کیا کہ یہ کیا ہورہا ہے۔ انہیں بتایا گیا کہ سفید سنگ مرمر کا رنگ خراب ہورہا ہے جسے بچانے کیلئے یہ کام کیا جارہا ہے۔ پروفیسر برجن نے اس مسئلے کے متعلق جاننے کیلئے ایک تحقیق کی جس میں انکشاف ہوا کہ تاج محل کے اردگرد کے علاقے میں اپلے اور لکڑیاں جلانے سے بننے والی گیس اور دیگر آلودگی سے پیدا ہونے والی گیسوں کے ذرات سفید سنگ مرمر کے اوپر چپک رہے ہیں۔ اس کی سطح پر براﺅن کاربن، سیاہ کاربن اور مٹی کے ذرات جمع ہورہے ہیں جس کی وجہ سے عمارت کا رنگ تیزی سے دھندلا رہا ہے، خصوصاً براﺅن کاربن الٹراوائلٹ روشنی کو جذب کرتی ہے جس کی وجہ سے عمارت کا رنگ سفید کی بجائے بھورا اور مٹیالا نظر آتا ہے۔ پروفیسر برجن کا کہنا ہے کہ ان کی تحقیق نے تاج محل کی رنگت خراب کرنے والے ذرات کا پتا چلالیا ہے اور توقع ظاہر کی ہے کہ اب بھارتی حکومت مسئلے کے حل کیلئے سنجیدہ کوشش کرے گی۔

http://dailypakistan.com.pk/assets/d...44625-8553.jpg

Wah kiya baat hai
Nice Information

bohat achi malomaat share ki hain

Thanks