ظاھر و باطن!!
ایک استاد نے اپنی کلاس میں داخل ھوتے ھی اپنے اسٹوڈنٹس سے پوچھا:
تم سب کی نظروں میں کون س چیز انسان کو خوبصورت بناتی ھے؟
سب شاگردوں نے مختلف جواب دیئے۔
کسی نے کہا: بڑی آنکھیں!
کسی نے کہا: کتابی چہرہ!
کسی نے کہا: بڑا قد!
کسی نے کہا: سفید رنگ!
سب کے جواب سننے کے بعد استاد نے اپنے بیگ سے دو گلاس نکالے، ایک شیشے کا انتہائی نفیس اور خوبصورت رنگوں والا گلاس تھا اور دوسرا مٹی کا بنا ھوا بھدا سا !!
استاد نے دونوں گلاسوں میں الگ الگ کوئی مایع ڈال دیا اور شاگردوں کی طرف منہ کر کے کہا:
میں نے شیشے کے خوبصورت گلاس میں زھر ڈالا ھے جبکہ مٹی کے گلاس میں پینے کا پانی، آپ لوگ کون سے گلاس سے پینا پسند کریں گے ؟!!
سب بے یک زبان ھو کر کہا : مٹی کا گلاس!!
استاد نے بلا فاصلہ کہا:
جب آپ کو ان گلاسوں کے اندر کی حقیقت معلوم ھو گئی تو ان گلاسوں کا ظاھری حلیہ اور رنگ و روپ آپ کیلئے بے اھمیت ھو گیا!!!
