جِنہاں گھرّاں وِچ ماں نئیں ہُندی
اونہاں دے ویہڑے چھاں نئیں ہُندی
پُتّر پانویں جان وی منگن
مانواں کولوں ناں نئیں ہُندی
جے کر مانواں ہاں نہ آکھن
رَبّ وَلّوں وی ہاں نئیں ہُندی
تیرے اَگّے رو لیندے ساں
ہُن تے نظر اُتَاں نئیں ہُندی
جِنہاں دی جنّت رُس جاندی اے
اُنہاں نُوں کِتّے وی تھاں نئیں ہُندی
جے کِدرے میں سفرے جانواں
اوہدی شکل پَرَاں نئیں ہُندی
واج آؤندی اے فخریؔ پتر
پر اوہ آپ اَگَاں نئیں ہُندی
