دکھ درد سی میرے مقدراں وچ
میں شکوہ کر کے کی کردا؟
جدوں مینوں جینا نہیں آیا
میں موت وی منگ کے کی کردا؟
جد انت جدائی پینی سی
تیرا ساتھ وی منگ کے کی کردا؟
تُو پیار دی کشتی ڈوب چھڈی
میں کلا تر کے کی کردا؟
جد تو ہی اتھرو پونجنے نہیں
میں اکھیاں بھر کے کی کردا؟
ایتھے لکھاں رانجھے پھردے نے
میں مرزا بن کے کی کردا؟
او جاندی واری پلٹیا نہیں
میں ہتھ ہلا کے کی کردا؟
دکھ درد سے میرے مقدراں وچ
میں شکوہ کر کے کی کردا؟
