بھارتی فوج کی فائرنگ پر وزیراعظم خاموش کی
بھارتی فوج کی فائرنگ پر وزیراعظم خاموش کیوں ہیں؟ عمران خان
پاکستان تحریک انصاف کے چیئرمین عمران خان کا کہنا ہے کہ بھارتی فوج کی جارحیت پر وزیراعظم نواز شریف کا کوئی بیان نہیں آیا، وہ خاموش کیوں ہیں؟
اسلام آباد: (دنیا نیوز، ویب ڈیسک) دھرنے کے شرکاء سے خطاب میں عمران خان کا کہنا تھا کہ پاکستان کو اس وقت لیڈر شپ کی ضرورت ہے۔ سرحد پر بھارتی فوج کی بلااشتعال فائرنگ جاری ہے لیکن وزیراعظم میاں محمد نواز شریف خاموش ہیں۔ بھارتی جارحیت پر وزیراعظم کا کوئی بیان سامنے نہیں آیا۔ نواز شریف بھارتی فائرنگ پر سرتاج عزیز کے بجائے خود آگے آئیں۔ عمران خان کا کہنا تھا کہ 1970ء کے علاوہ تمام انتخابات میں دھاندلی ہوئی۔ نئے پاکستان میں سب کو جاگی ہوئی قوم کا خوف ہوگا، کوئی دھاندلی نہیں کر سکے گا۔ تحریک انصاف کو حکومت ملی تو محروم طبقات کی مدد اور غربت کے خاتمے کیلئے پالیسیاں بنائیں گے۔ ان کا کہنا تھا کہ میرا عزم کم نہیں ہوا، نواز شریف کے استعفے کے بغیر واپس نہیں جائوں گا۔ کوئی چیز ناممکن نہیں ہوتی، انسان خود ہار مانتا ہے تو ہار جاتا ہے۔
Re: بھارتی فوج کی فائرنگ پر وزیراعظم خاموش کی&
Re: بھارتی فوج کی فائرنگ پر وزیراعظم خاموش کی&
