intelligent086
09-18-2014, 09:32 PM
کلابہ ٹوٹنے کی دیر ہے
ابھی تکلے پہ دھاگہ گھومتا ہے
ابھی کر لے سکھی باتیں
طلسم خواب کی گھاتیں
ابھی دوچار ہی راتوں کا قصہ ہیں
دیئے کی ٹمٹماتی لو میں کوئی آنکھ
چہرے پڑھ رہی ہے
زندگی کی سمت
مرگ ناگہانی بڑھ رہی ہے
ریشمی کپڑے لپیٹے جا چکے ہیں
آسماں کا سر خمیدہ ہے
کلابہ ٹوٹنے کی دیر ہے
چرخہ رکے گا
زور سے گھومے گا
پھر تاریخ کا پہیہ
زمیں پوشاک بدلے گی
نئی تقویم لکھنے کے لئے کاتب
سیاہی میں ستارے گھولتا ہے
٭٭٭
ابھی تکلے پہ دھاگہ گھومتا ہے
ابھی کر لے سکھی باتیں
طلسم خواب کی گھاتیں
ابھی دوچار ہی راتوں کا قصہ ہیں
دیئے کی ٹمٹماتی لو میں کوئی آنکھ
چہرے پڑھ رہی ہے
زندگی کی سمت
مرگ ناگہانی بڑھ رہی ہے
ریشمی کپڑے لپیٹے جا چکے ہیں
آسماں کا سر خمیدہ ہے
کلابہ ٹوٹنے کی دیر ہے
چرخہ رکے گا
زور سے گھومے گا
پھر تاریخ کا پہیہ
زمیں پوشاک بدلے گی
نئی تقویم لکھنے کے لئے کاتب
سیاہی میں ستارے گھولتا ہے
٭٭٭