Dr Maqsood Hasni
07-16-2014, 10:20 PM
سننے میں آیا ہے
سننے میں آیا ہے
ہم آگے بڑھ گئے ہیں
ترقی کر گئے ہیں
سرج اب شرق سے اٹھتا ہے
واشنگٹن کے مندر کا بت
کس محمود نے توڑا ہے
سکندر کے گھوڑوں کا منہ
کس بیاس نے موڑا ہے
اس کی گردن کا سریا
کس ٹیپو نے توڑا ہے
سو کا بیلنس
اب سو ہی چڑھتا ہے
پونڈ سٹرلنگ اور ڈالر
روپیے کے دو ملتے ہیں
سننے میں آیا ہے
ہم آگے بڑھ گئے ہیں
ترقی کر گئے ہیں
بیوہ کو ٹک ملتا ہے'
وہ پیٹ بھر کھاتی ہے
گریب کی بیٹیا
بن دہیج
اب ڈولی چڑھتی ہے?
جو جیون دان کرے
دارو کی وہ شیشی
اب مفت میں ملتی ہے?
سننے میں آیا ہے
ہم آگے بڑھ گئے ہیں
ترقی کر گئے ہیں
موسی اور عیسی
گرجے اور ہیکل سے
مکت ہوے ہیں?
بدھ رام بہا
کہ نانک کے پیرو ہوں
یا پھر
چیراٹ شریف کے باسی
اپنا جیون جیتے ہیں?
سننے میں آیا ہے
ہم آگے بڑھ گئے ہیں
ترقی کر گئے ہیں
گوئٹے اور بالی
ٹیگور تے جامی
سیوفنگ اور شیلی
سب کے ٹھہرے ہیں?
ملاں پنڈت اور گرجے کا وارث
انسانوں کو انسانوں کے
کام آنے کی کہتا ہے?
سننے میں آیا ہے
ہم آگے بڑھ گئے ہیں
ترقی کر گئے ہیں
شیر اور بکری
اک گھاٹ پر پانی پیتے ہیں'
اک کچھ میں رہتے ہیں?
سیٹھوں کی بستی میں
مل بانٹ کر
کھانے کی چرچا ہے?
رشوت کا کھیل
ناکام ہوا ہے?
منصف
ایمان قرآن کی کہتتا ہے?
سننے میں آیا ہے
ہم آگے بڑھ گئے ہیں
ترقی کر گئے ہیں
من تن کا وارث
تن من کا بھیدی
جب بھی ٹھہرے گا
جیون کا ہر سکھ
قدموں کی ٹھوکر
امبر کے اس پار
انسان کا گھر ہو گا
پرتھوی کیا'
الله کی ہر تخلیق کا
ماما نہیں
موچی درزی نائی بھی
وارث ہوگا
شخص'
شخص کا بھائی ہوگا